റിയാദ്: സൗദി അറേബ്യയിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന് മോചനം നീളും. സൗദി ബാലന് കൊല്ലപ്പെട്ട കേസില് അബ്ദുല് റഹീമിന് 20 വര്ഷം തടവ് ശിക്ഷ വിധിച്ചു. പൊതുഅവകാശ (പബ്ലിക് റൈറ്റ്സ്) പ്രകാരം 20 വര്ഷത്തേക്കാണ് തടവുശിക്ഷ വിധിച്ചത്. റിയാദ് ക്രിമിനല് കോടതിയില് സൗദി സമയം ഇന്ന് (തിങ്കളാഴ്?ച) രാവിലെ 9.30ന് നടന്ന സിറ്റിങ്ങിലാണ് തീര്പ്പുണ്ടായത്.
അതേസമയം ഇതുവരെ അനുഭവിച്ച തടവുകാലം കഴിഞ്ഞുള്ള ശിക്ഷ അനുഭവിച്ചാല് മതി. അതിനുശേഷം ജയില് മോചനമുണ്ടാവും. അടുത്തവര്ഷം, 2026 ഡിസംബറില് കേസിന് 20 വര്ഷം തികയും. അതിന് ശേഷമായിരിക്കും മോചനം. റിയാദിലെ ഇസ്കാന് ജയിലില് കഴിയുന്ന റഹീമിന്റെ തടവുകാലം ഇപ്പോള് 19-ാം വര്ഷത്തിലാണ്. ഓണ്ലൈന് സിറ്റിങ്ങില് ജയിലില് നിന്ന് റഹീമും പ്രതിഭാഗം അഭിഭാഷകരും ഇന്ത്യന് എംബസി പ്രതിനിധിയും റഹീം കുടംബത്തിന്റെ ഔദ്യോഗിക പ്രതിനിധി സിദ്ദിഖ് തുവ്വൂരും പങ്കെടുത്തിരുന്നു. ഈ മാസം അഞ്ചിനായിരുന്നു കഴിഞ്ഞ സിറ്റിങ്.
2006 നവംബറിലാണ് സൗദി ബാലന് അനസ് അല് ഫായിസിന്റെ കൊലപാതകക്കേസില് അബ്ദുല് റഹീം അറസ്റ്റിലാകുന്നത്. 2012ലാണ് കേസില് വധശിക്ഷ വിധിച്ചത്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
