തിരുവനന്തപുരം: തിരുവനന്തപുരം വിമാനത്താവളത്തിലും ബോംബ് ഭീഷണി. മാനേജറുടെ ഇമെയിലേക്കാണ് ഭീഷണി സന്ദേശമെത്തിയത്. ഇന്ന് ഉച്ചയോടെയാണ് ഭീഷണി സന്ദേശമെത്തിയത്. സന്ദേശത്തിന്റെ പശ്ചാത്തലത്തില് വിമാനത്താവളത്തില് പരിശോധന ശക്തമാക്കി.
കഴിഞ്ഞ ദിവസങ്ങളില് സംസ്ഥാനത്തെ കൊല്ലം, പാലക്കാട്, കോട്ടയം കളക്ടറേറ്റുകളിലും ഭീഷണി സന്ദേശം എത്തിയിരുന്നു. ഇതിന്റെ അടിസ്ഥാനത്തില് പരിശോധന നടത്തിയിരുന്നെങ്കിലും ഒന്നും കണ്ടെത്താനായിരുന്നില്ല. വ്യാജ സന്ദേശമാണെന്ന വിലയിരുത്തലിലായിരുന്നു പൊലീസ്.
അതേസമയം, നിരന്തരമായി എത്തുന്ന വ്യാജ ബോംബ് ഭീഷണി സന്ദേശങ്ങളില് ഇതുവരെ അന്വേഷണ പുരോഗതിയൊന്നും ഇല്ലെന്നാണ് വിലയിരുത്തല്. വ്യാജ ഇ മെയില് സന്ദേശങ്ങളുടെ ഉറവിടം കണ്ടെത്താന് കഴിയുന്നില്ലെന്ന് പൊലീസ് പറയുന്നു. ഇ-മെയില് വിലാസമുണ്ടാക്കിയത് ഡാര്ക്ക് വെബില് നിന്നാണ്. പൊലീസിനെ വട്ടം ചുറ്റിക്കുന്നത് സൈബര് സൈക്കോ ആണെന്നാണ് സംശയം. ഇ മെയില് സംബന്ധിച്ച് വിവരങ്ങള് കൈമാറണമെന്ന് മൈക്രോസോഫ്റ്റിനോട് പൊലീസ് ആവശ്യപ്പെട്ടു. വ്യാജ ഭീഷണി സന്ദേശവുമായി ബന്ധപ്പെട്ട് ഒന്പത് കേസുകളാണ് ഇതുവരെ എടുത്തിട്ടുള്ളത്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
