ഡല്ഹി: ഇന്ത്യയില് വഖഫ് ഭേദഗതി നിയമം പ്രാബല്യത്തില്. ഇന്ന് മുതല് നിയമം പ്രാബല്യത്തില് വരുത്തിക്കൊണ്ട് കേന്ദ്രസര്ക്കാര് ഉത്തരവിറക്കി. കേന്ദ്ര ന്യൂനപക്ഷ ക്ഷേമമന്ത്രാലയം വിജ്ഞാപനം പുറത്തിറക്കി. നിയമം നടപ്പിലാക്കാനുള്ള ചട്ടങ്ങള് ഉടന് രൂപീകരിക്കുമെന്നും സര്ക്കാര് വൃത്തങ്ങള് അറിയിച്ചു. നിയമത്തിന്റെ ഭരണഘടനാ സാധുത ചോദ്യം ചെയ്ത് നിയമഭേദഗതിക്കെതിരെ പ്രതിപക്ഷ പാര്ട്ടികള് സുപ്രീം കോടതിയെ സമീപിച്ചിരിക്കെയാണ് കേന്ദ്ര സര്ക്കാരിന്റെ ഈ നീക്കം.
അതേസമയം വഖഫ് നിയമ ഭേദഗതിക്കെതിരായ ഹര്ജികളില് സുപ്രീം കോടതി ഉടന് വാദം കേള്ക്കില്ല. ഏപ്രില് 16-ന് ഹര്ജികള് പരിഗണിക്കാനാണ് സുപ്രീംകോടതിയുടെ തീരുമാനം. ചീഫ് ജസ്റ്റിസ് സഞ്ജീവ് ഖന്നയാണ് ഹര്ജികള് 16-ന് പരിഗണിച്ചാല് മതിയെന്ന് തീരുമാനമെടുത്തത്. നിയമം ചോദ്യം ചെയ്ത് 12 ലധികം ഹര്ജികളാണ് നിലവില് സുപ്രീംകോടതിയുടെ മുന്നിലെത്തിയത്.
ഏപ്രില് 2, 3 തീയതികളിലാണ് വഖഫ് ബില് ലോക്സഭയിലും രാജ്യസഭയിലും പാസാക്കിയത്. മണിക്കൂറുകള് നീണ്ട ചര്ച്ചകള്ക്കൊടുവില് പ്രതിപക്ഷത്തിന്റെ വലിയ പ്രതിഷേധത്തിന് പിന്നാലെയായിരുന്നു ബില്ല് പാസാക്കിയത്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
