തിരുവനന്തപുരം: മോഹന്ലാല് നായകനായി പൃഥ്വിരാജ് സംവിധാനം ചെയ്ത ചിത്രം എമ്പുരാനില് വരുത്തിയത് 24 വെട്ടുകള്. റീ എഡിറ്റഡ് ചെയ്ത സെന്സര് രേഖ പുറത്തുവന്നു. നന്ദി കാര്ഡില് നിന്ന് കേന്ദ്രമന്ത്രി സുരേഷ് ഗോപിയുടെ പേരും ഒഴിവാക്കി. ചിത്രത്തിലെ സ്ത്രീകള്ക്ക് എതിരായ അതിക്രമത്തിന്റെ സീനുകള് മുഴുവന് ഒഴിവാക്കിയിട്ടുണ്ട്.
മതചിഹ്നങ്ങളുടെ പശ്ചാത്തലത്തില് വാഹനങ്ങള് കടന്നു പോകുന്ന സീനും വെട്ടി. എന്ഐഎ എന്ന് പരാമര്ശിക്കുന്ന സീന് നീക്കം ചെയ്തു. പ്രധാന വില്ലന് കഥാപാത്രത്തിന്റെ പേര് ബജ്റംഗി എന്നത് മാറ്റി ബല്ദേവ് എന്നാക്കി. നേരത്തെ പതിനേഴ് വെട്ടുകളാണ് ചിത്രത്തില് വരുത്തുന്നത് എന്നായിരുന്നു പ്രചരണം. എന്നാല് അതില് കൂടുതല് രംഗങ്ങള് മാറ്റിയതയാണ് റീ എഡിറ്റിംഗ് സെന്സര് രേഖ വ്യക്തമാക്കുന്നത്.
അതേസമയം എമ്പുരാന് സിനിമയുമായി ബന്ധപ്പെട്ട വിവാദത്തില് പ്രതികരണവുമായി നിര്മാതാവ് ആന്റണി പെരുമ്പാവൂര് രംഗത്ത് എത്തി. തെറ്റുകള് തിരുത്തുക എന്നത് ഞങ്ങളുടെ ചുമതല ആണെന്നും പൃഥ്വിരാജിനെ ഒറ്റപ്പെടുത്തേണ്ട കാര്യമില്ലെന്നും ആന്റണി പെരുമ്പാവൂര് മാധ്യമങ്ങളോട് പറഞ്ഞു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
