കുവൈത്ത് സിറ്റി: കുവൈത്തില് വിവാഹത്തിന് മുമ്പ് മെഡിക്കല് പരിശോധന നടത്തണം. വിവാഹം കഴിക്കുന്ന ഇരു കക്ഷികളും സ്വദേശികളാണെങ്കിലും പ്രവാസികളാണെങ്കിലും എല്ലാ വിവാഹ കരാറുകളിലും മെഡിക്കല് പരിശോധനകള് വിപുലീകരിക്കുന്നതിന് പുതിയ ചട്ടങ്ങളില് പ്രധാന ഭേദഗതി വരുത്തി. വിവാഹത്തിന് മുമ്പ് മെഡിക്കല് പരിശോധന സംബന്ധിച്ച 2008 ലെ 31-ാം നമ്പര് നിയമത്തിന്റെ എക്സിക്യൂട്ടീവ് നിയന്ത്രണങ്ങള് ആരോഗ്യ മന്ത്രാലയം അംഗീകരിച്ചു. ഞായറാഴ്ച പുറത്തിറക്കിയ ഔദ്യോഗിക ഗസറ്റില് പ്രസിദ്ധീകരിച്ച 2025 ലെ മന്ത്രിതല പ്രമേയം നമ്പര് 23 പ്രകാരം സുരക്ഷിതമല്ലാത്ത വിവാഹത്തിന് നിയന്ത്രണങ്ങള് ഏര്പ്പെടുത്തി.
കുവൈത്ത് സമൂഹത്തില് ജനിതക, പകര്ച്ചവ്യാധികളുടെ വ്യാപനം കുറയ്ക്കുന്നതിനാണ് പുതിയ ചട്ടങ്ങള് ലക്ഷ്യമിടുന്നത്. രണ്ട് കക്ഷികളും സ്വദേശികളാണോ വിദേശികളാണോ എന്ന് നോക്കാതെ, കുവൈത്തിലെ എല്ലാ വിവാഹ കരാറുകളും കവര് ചെയ്യുന്നതിനായി മെഡിക്കല് പരിശോധനകള് വിപുലീകരിക്കുന്നതാണ് പുതിയ ചട്ടങ്ങളിലെ ഒരു പ്രധാന ഭേദഗതി. വിവാഹിതരാകാന് ആഗ്രഹിക്കുന്നവര്ക്ക് വിവാഹപൂര്വ മെഡിക്കല് പരിശോധനകള്ക്കായുള്ള ചില അഭ്യര്ത്ഥനകളും നടപടിക്രമങ്ങളും പൂര്ത്തിയാക്കാന് സഹല് ആപ്ലിക്കേഷന്, അല്ലെങ്കില് ”കുവൈത്ത് ഹെല്ത്ത്” എന്നിവയിലൂടെ സാധിക്കും.
വിവാഹം കഴിക്കാന് ആഗ്രഹിക്കുന്നവര് വിവാഹപൂര്വ മെഡിക്കല് പരിശോധനാ കേന്ദ്രത്തില് വൈദ്യപരിശോധനയ്ക്ക് വിധേയരാകണം. ഇത് അവര് അക്വയര്ഡ് ഇമ്മ്യൂണോ ഡെഫിഷ്യന്സി സിന്ഡ്രോം (AIDS ), ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി, തലസീമിയ, സിക്കിള് സെല് അനീമിയ തുടങ്ങിയ പാരമ്പര്യ രക്ത രോഗങ്ങള് എന്നിവയില് നിന്ന് മുക്തരാണെന്ന് തെളിയിക്കണം. പൊതുജന താല്പ്പര്യം ആവശ്യപ്പെടുന്നതനുസരിച്ച് മറ്റ് ഏതെങ്കിലും രോഗങ്ങള് ചേര്ക്കാന് ആരോഗ്യ മന്ത്രിക്ക് ഒരു മന്ത്രിതല തീരുമാനം പുറപ്പെടുവിക്കണം.
കൂടുതൽ ഗൾഫ് വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക് https://whatsapp.com/channel/0029VagTUieB4hdXiUEnVF1K
