ഡൽഹി: ഇന്ത്യയിൽ ഇന്ന് മുതൽ ബാങ്കിങ് ഉള്പ്പടെ വിവിധ മേഖലകളില് പുതിയ നിയന്ത്രണങ്ങൾ വരും. വ്യാജ ഒടിപികൾ തടയുന്നതിനുള്ള പരിഷ്കാരങ്ങൾ, ചില ബാങ്കുകളുടെ ക്രെഡിറ്റ് കാർഡ് മാനദണ്ഡങ്ങളുടെ അപ്ഡേറ്റ് എന്നിവ ഉൾപ്പെടുന്നതാണ് പുതിയ നിയന്ത്രണങ്ങൾ. ഉപഭോക്താക്കളുടെ സുരക്ഷ വർധിപ്പിക്കുക അതോടൊപ്പം ഉപയോക്തൃ സുരക്ഷയും ലക്ഷ്യമിട്ടാണ് നിയന്ത്രണം.
ആളുകളുടെ സ്വകാര്യത ലംഘിച്ച് തട്ടിപ്പുകാരുടെ കടന്നുകയറ്റം തടയാന് ഒടിപി മാനദണ്ഡങ്ങളില് ട്രായ് മാറ്റം കൊണ്ടുവരുന്നുണ്ട്. തട്ടിപ്പുകാരുടെ ഫോണുകളിലേക്കുള്ള ആക്സസ് തടയുന്നതിനും വലിയ സാമ്പത്തിക നഷ്ടം ഉണ്ടാക്കുകയും ചെയ്യുന്ന OTP-കൾ തടയാൻ ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) ടെലികോം കമ്പനികളോട് ഇത്തരത്തിലുള്ള സന്ദേശങ്ങൾ കണ്ടെത്താനുള്ള അനുമതി നൽകാൻ ആവശ്യപ്പെട്ടിട്ടുണ്ട്. നിർദ്ദേശം പാലിക്കാനുള്ള സമയപരിധി 2024 നവംബർ 30 ആണ്. പ്രാരംഭ സമയപരിധി ഒക്ടോബർ 31 ആയിരുന്നുവെങ്കിലും സർവീസ് ഓപ്പറേറ്റർമാരുടെ ആവശ്യത്തെത്തുടർന്ന് ട്രായ് നവംബർ 30 വരെ നീട്ടുകയായിരുന്നു
ഡിസംബർ 1 മുതൽ ഫ്ലൈറ്റുകൾക്കും ഹോട്ടലുകൾക്കുമായി റഡീം ചെയ്യാവുന്ന റിവാർഡ് പോയിൻ്റുകളുടെ എണ്ണം യെസ് ബാങ്ക് നിയന്ത്രിക്കും. ക്രെഡിറ്റ് കാർഡിൻ്റെ ഉപയോക്താക്കൾക്കായി ലോഞ്ച് ആക്സസ് നിയമങ്ങളും എച്ച്ഡിഎഫ്സി ബാങ്ക് മാറ്റുന്നുണ്ട്. ലോഞ്ച് ആക്സ്സ് ലഭിക്കുന്നതിനായി ഡിസംബർ 1 മുതൽ ഉപയോക്താക്കൾ ഒരു ലക്ഷം രൂപ ചെലവഴിക്കണമെന്നാണ് പുതിയ നിയമങ്ങൾ ആവശ്യപ്പെടുന്നത്. സ്റ്റേറ്റ് ബാങ്ക് ഓഫ് ഇന്ത്യയും ആക്സിസ് ബാങ്കും അതിൻ്റെ വിവിധ ഉപയോക്താക്കൾക്കുള്ള റിവാർഡ് പോയിൻ്റ് നിയമങ്ങളും ക്രെഡിറ്റ് കാർഡ് ഫീസും പരിഷ്കരിച്ചിട്ടുണ്ട്.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
