കോഴിക്കോട്: ഷിരൂരിലെ മണ്ണിടിച്ചിലില് മരിച്ച അര്ജുന്റെ കുടുംബത്തിന്റെ പരാതിയിലെടുത്ത കേസില് നിന്ന് ലോറിയുടമ മനാഫിനെ ഒഴിവാക്കും. മനാഫിനെതിരെ കേസ് എടുക്കണമെന്ന് കുടുംബം ആവശ്യപ്പെട്ടിരുന്നില്ല. മനാഫിന്റെ വീഡിയോയുടെ താഴെ കുടുംബത്തിന് നേരെ സൈബര് ആക്രമണം നടക്കുന്നു എന്നാണ് കുടുംബത്തിന്റെ പരാതി. പ്രാഥമിക അന്വേഷണത്തിന്റെ ഭാഗമായാണ് മനാഫിന്റെ പേര് എഫ്ഐആറില് ഉള്പ്പെടുത്തിയതെന്നും പൊലീസ് അറിയിച്ചു. എഫ്ഐആറില് നിന്ന് മനാഫിനെ ഒഴിവാക്കുമെന്നും പോലീസ് പറയുന്നു.
അന്വേഷണം നടത്തി ആവശ്യമെങ്കില് മനാഫിനെ ഒഴിവാക്കുമെന്ന് ഇന്നലെ പോലീസ് അറിയിച്ചിരുന്നു. അതേസമയം, സൈബര് ആക്രമണ പരാതിയില് മനാഫിനെ സാക്ഷിയാക്കും.കേസില് ചില യൂട്യൂബര്മാര്ക്കെതിരെ കേസെടുക്കാനും പോലീസ് തീരുമാനിച്ചു.
ലോറി ഉടമ മനാഫ്, സോഷ്യല് മീഡിയയിലെ പ്രചരണം നടത്തിയവര് തുടങ്ങിയവരെ പ്രതി ചേര്ത്താണ് അര്ജുന്റെ കുടുംബത്തിന്റെ പരാതിയില് പോലീസ് കേസെടുത്തത്. സമൂഹത്തില് ചേരിതിരിവ് ഉണ്ടാക്കാന് ശ്രമം നടത്തിയെന്ന വകുപ്പ് ചുമത്തിയാണ് കേസ്. കോഴിക്കോട് കമ്മീഷണര്ക്കാണ് അര്ജുന്റെ സഹോദരി അഞ്ജു പരാതി നല്കിയത്.
കൂടുതൽ ജിസിസി വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
