കല്പ്പറ്റ: വയനാട്ടിലെ ഉരുള്പൊട്ടല് ദുരന്തബാധിത മേഖലകള് പ്രധാനമന്ത്രി നരേന്ദ്ര മോദി സന്ദര്ശിക്കും. മുണ്ടക്കൈയിലും ചൂരല്മലയിലും പ്രധാനമന്ത്രി എത്തും. പ്രധാനമന്ത്രിയുടെ സന്ദര്ശനത്തിന്റെ ഭാഗമായി ഓഗസ്റ്റ് 10ന് രാവിലെ 10 മണി മുതല് വയനാട് ജില്ലയില് ഗതാഗത നിയന്ത്രണം ഏര്പ്പെടുത്തുമെന്ന് ജില്ലാ പൊലീസ് മേധാവി അറിയിച്ചു.
കല്പ്പറ്റ, മേപ്പാടി ടൗണുകളില് വാഹനങ്ങള് പാര്ക്ക് ചെയ്യാന് അനുവദിക്കില്ല. ആംബുലന്സ് ഉള്പ്പെടെയുള്ള അത്യാവശ്യ വാഹനങ്ങള് മാത്രമേ കയറ്റിവിടൂവെന്നും ജില്ലാ പൊലീസ് മേധാവി വ്യക്തമാക്കി. ടാക്സി, ഓട്ടോറിക്ഷ ഉള്പ്പെടെയുള്ള സ്വകാര്യ വാഹനങ്ങള് രാവിലെ 11 മുതല് പ്രധാനമന്ത്രിയുടെ സന്ദര്ശനം കഴിയുന്നതുവരെ കല്പറ്റ-കൈനാട്ടി ബൈപാസ് ജംഗ്ഷന് മുതല് മേപ്പാടി വിംസ് ആശുപത്രി വരെയും മേപ്പാടി ടൗണ് മുതല് ചൂരല്മല വരെയുള്ള റോഡിന്റെ ഇരുവശങ്ങളിലും പാര്ക്ക് ചെയ്യാന് പാടില്ല. കല്പ്പറ്റ ജനമൈത്രി ജങ്ഷന് മുതല് കെഎസ്ആര്ടിസി ഗാരേജ് ജങ്ഷന് വരെയും പാര്ക്കിംഗ് നിയന്ത്രണം ബാധകമാണ്.
കൂടുതൽ ഗൾഫ് വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക് https://whatsapp.com/channel/0029VagTUieB4hdXiUEnVF1K
