കാസര്കോട്: ഫലസ്തീന് ഐക്യദാര്ഢ്യം പ്രഖ്യാപിച്ച് മൈം ഷോ അവതരിപ്പിച്ചതിന്റെ പേരില് സ്കൂള് കലോത്സവം നിര്ത്തിവെച്ചു. കാസര്കോട് കുമ്പള ഗവ.ഹയര്സെക്കന്ഡറി സ്കൂളില് ഇന്നലെയായിരുന്നു സംഭവം. വിദ്യാര്ത്ഥികള് അവതരിപ്പിച്ച മൈം മുഴുപ്പിക്കുന്നതിന്റെ മുമ്പ് അധ്യാപകന് കര്ട്ടന് താഴ്ത്തുകയായിരുന്നു. ഇന്ന് നടത്തേണ്ട കലോത്സവവും മാറ്റിവെച്ചു.
ഗസയില് കുഞ്ഞുങ്ങള് മരണപ്പെടുന്നത് ഉള്പ്പെടെയുള്ള ദൃശ്യങ്ങള് ഉള്പ്പെടെയാണ് മൈംമില് ഉണ്ടായിരുന്നത്. പരിപാടി ആരംഭിച്ച് രണ്ടര മിനിറ്റ് ആയപ്പോഴേയ്ക്കും അധ്യാപകര് കര്ട്ടനിടുകയായിരുന്നു. കര്ട്ടനിട്ട ഉടന് തന്നെ മറ്റെല്ലാ പരിപാടികളും നിര്ത്തിവെച്ചതായും അറിയിപ്പ് നല്കി. സ്കൂളിലെ അധ്യാപകര് ഈ വിഷയത്തില് ഇതുവരെ പ്രതികരിച്ചിട്ടില്ല. സംഭവത്തിന് പിന്നാലെ അധ്യാപകര് പൊലീസിനെ വിളിച്ചുവരുത്തിയെന്നും വിദ്യാര്ത്ഥികളെ വിരട്ടിയോടിച്ചുവെന്നുമുള്ള ആരോപണവും ഉയരുന്നുണ്ട്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
