തിരുവനന്തപുരം: തിരുവനന്തപുരത്തെ കല്ലമ്പലത്ത് വന് രാസലഹരി വേട്ട. ഒമാനില് നിന്ന് കേരളത്തിലേക്ക് മയക്കുമരുന്ന് എത്തിക്കുന്ന സംഘമാണ് പിടിയിലായത്. ഇവരില് നിന്ന് ഒന്നേ കാല് കിലോ എംഡിഎംഎ പൊലീസ് പിടികൂടി.
കേരളത്തിലെ ഏറ്റവും വലിയ രാസലഹരി വേട്ടയാണിത്. വിദേശത്ത് നിന്ന് കടത്തിക്കൊണ്ടുവന്ന നാല് കോടിക്ക് മുകളില് വില വരുന്ന എംഡിഎംഎയാണ് പ്രതികളില് നിന്ന് പിടികൂടിയത്. ഈന്തപ്പഴത്തിന്റെ പെട്ടിക്കുള്ളില് കറുത്ത കവറില് ആക്കിയായിരുന്നു ലഹരി ശേഖരം ഒളിപ്പിച്ചിരുന്നത്.
മസ്കത്തില് നിന്ന് തിരുവനന്തപുരം വിമാനത്താവളത്തില് എത്തിയ പ്രതികളെയാണ് പോലീസ് പിടികൂടിയത്. സംഭവത്തില് വര്ക്കല സ്വദേശി സഞ്ജു, വലിയവിള സ്വദേശി നന്ദു, ഉണ്ണിക്കണ്ണന്, പ്രമീണ് എന്നിവരാണ് പിടിയിലായത്. മയക്കു മരുന്ന് മാഫിയയുടെ ഇടയില് ഡോണ് എന്ന് അറിയപ്പെടുന്ന വ്യക്തിയാണ് സഞ്ജു. ഇയാളുടെ നേതൃത്വത്തില് രാസലഹരി വ്യാപനം നടത്തുന്ന സംഘത്തെക്കുറിച്ച് പൊലീസിന് കൃത്യമായ വിവരം ലഭിച്ചിട്ടുണ്ട്. കുറച്ച് ദിവസങ്ങളായി റൂറല് ഡാന്സാഫ് സംഘത്തിന്റെ നിരീക്ഷണത്തിലായിരുന്നു പ്രതികള്.
ഇന്നലെ രാത്രി മസ്കത്തില് നിന്ന് വന്ന പ്രതികള് വിമാനത്താവളത്തില് നിന്ന് ഇന്നോവ കാറില് മറ്റൊരു സ്ഥലത്തേക്ക് പോവുകയായിരുന്നു. പിന്നാലെ മറ്റൊരു പിക്കപ്പ് വാനില് ഇവര് എംഡിഎംഎ ഈത്തപ്പഴ പെട്ടിക്കുള്ളിലാക്കി കടത്താന് ശ്രമിക്കവെയാണ് പോലീസ് പിടികൂടിയത്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
