ദോഹ: ഖത്തറിൽ നിയമലംഘനം കണ്ടെത്തിയതിനെ തുടർന്ന് സ്വകാര്യ ആരോഗ്യ കേന്ദ്രം താൽക്കാലികമായി അടച്ചുപൂട്ടി. രാജ്യത്തെ ആരോഗ്യ സംരക്ഷണ മേഖലയെ നിയന്ത്രിക്കുന്ന നിയമങ്ങളും ചട്ടങ്ങളും ലംഘിച്ചതായി കണ്ടെത്തിയതിനെ തുടർന്നാണ് നടപടിയെന്ന് പൊതുജനാരോഗ്യ മന്ത്രാലയം അറിയിച്ചു.
ആവശ്യത്തിന് നഴ്സുമാരില്ലാതെയാണ് ആശുപത്രി പ്രവർത്തിച്ചതെന്ന് മന്ത്രാലയത്തിന്റെ പരിശോധനയിൽ കണ്ടെത്തി. പ്രൊഫഷണൽ ലൈസൻസില്ലാത്ത വ്യക്തികളെ നഴ്സിംഗ് ടീമിൽ ഉൾപ്പെടുത്തിയതായും കണ്ടെത്തി.
സെന്ററിന്റെ മെഡിക്കൽ ഡയറക്ടർ ഒരു ദന്തരോഗവിദഗ്ദ്ധനാണ്, അതേസമയം തസ്തികയുമായി ബന്ധപ്പെട്ട മെഡിക്കൽ, അഡ്മിനിസ്ട്രേറ്റീവ് ഉത്തരവാദിത്തങ്ങൾ നിറവേറ്റുന്നതിന് ആശുപത്രിയിൽ ഒരു ഡോക്ടർ ആവശ്യമാണ്. ഈ നിയമവും ആശുപത്രി പാലിച്ചില്ല.
ലൈസൻസ് ഇല്ലാതെ പ്രവർത്തിച്ചവർക്കെതിരെ നിയമനടപടി പുരോഗമിക്കുകയാണെന്നും മന്ത്രാലയം അറിയിച്ചു.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക –https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
