തിരുവനന്തപുരം: പ്രവാസി മലയാളികളുടേയും നാട്ടില് തിരികെയെത്തിയ പ്രവാസികളുടെയും മക്കള്ക്ക് ഉന്നത വിദ്യാഭ്യാസത്തിന് ധനസഹായം നല്കുന്ന നോര്ക്ക-റൂട്ട്സ് ഡയറക്ടേഴ്സ് സ്കോളര്ഷിപ്പിന് അപേക്ഷ നല്കേണ്ട അവസാന തീയ്യതി 2024 ഡിസംബര് 15 വരെ നീട്ടി. നേരത്തേ നവംബര് 30 വരെയായിരുന്നു. രണ്ട് വര്ഷത്തിലധികമായി വിദേശത്ത് ജോലി ചെയ്യുന്ന വാര്ഷിക വരുമാനം 3 ലക്ഷം രൂപ വരെയുളള പ്രവാസികേരളീയരുടെയും മുന് പ്രവാസികളുടേയും മക്കള്ക്കാണ് സ്കോളര്ഷിപ്പിന് അപേക്ഷിക്കാന് കഴിയുക. ബിരുദാനന്തര ബിരുദ കോഴ്സുകള്ക്കും പ്രൊഫഷണല് ഡിഗ്രി കോഴ്സുകള്ക്കും 2024-25 അധ്യയന വര്ഷത്തിലെ ഒന്നാം വര്ഷ വിദ്യാര്ത്ഥികള്ക്കാണ് സ്കോളര്ഷിപ്പിന് അര്ഹത. http://www.scholarship.norkaroots.org എന്ന വെബ്സൈറ്റ് സന്ദര്ശിച്ച് ഓണ്ലൈനായി മാത്രമേ അപേക്ഷ നല്കാനാകൂ.
പഠിക്കുന്ന കോഴ്സിനുവേണ്ട യോഗ്യതാപരീക്ഷയില് കുറഞ്ഞത് 60 ശതമാനം മാര്ക്ക് കരസ്ഥമാക്കിയവരാകണം. റഗുലര് കോഴ്സുകള്ക്കും കേരളത്തിലെ സര്വ്വകലാശാലകള് അംഗീകരിച്ച കോഴ്സുകള്ക്കും അംഗീകൃത വിദ്യാഭ്യാസ സ്ഥാപനങ്ങളില് പഠിക്കുന്നവര്ക്കും അപേക്ഷിക്കാന് കഴിയും. വിശദവിവരങ്ങള് 0471-2770528/2770543/2770500 എന്നീ നമ്പറുകളിലും നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) നിന്നും ലഭിക്കും.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക-
https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്-
https://whatsapp.com/channel/0029VagTUieB4hdXiUEnVF1K
