ദോഹ: 33-മത് ദോഹ അന്താരാഷ്ട്ര പുസ്തകമേള തുടരുന്നു. ദോഹ എക്സ്ബിഷന് ആന്റ് കണ്വെന്ഷന് സെന്ററില് നടക്കുന്ന പുസ്തകോത്സവം മെയ് 18, ശനിയാഴ്ച വരെ തുടരും. പത്ത് ദിവസത്തെ പുസ്തകമേളയില് സൗഹൃദ രാജ്യങ്ങളുടെ എംബസികളുടെ സാന്നിധ്യവുമുണ്ട്.
‘അറിവ് നാഗരികതകളെ നിര്മ്മിക്കുന്നു'(”knowledge builds civilizations’) എന്നതാണ് ഈ വര്ഷത്തെ പ്രമേയം. 42 രാജ്യങ്ങളില് നിന്നുള്ള 515-ലധികം പ്രസാധകരുടെ പങ്കാളിത്തമാണ് ഇത്തവണയുള്ളത്. ഒമാനാണ് അതിഥിരാജ്യം.
വെള്ളി ഒഴികെയുള്ള എല്ലാ ദിവസങ്ങളിലും രാവിലെ 9 മണിമുതല് രാത്രി പത്ത് മണിവരെ പുസ്തകമേളയില് പ്രവേശനം അനുവദിക്കും. വെള്ളിയാഴ്ചകളില് ഉച്ചകഴിഞ്ഞ് മൂന്ന് മണിമുതല് രാത്രി പത്ത് വരെയാണ് പ്രവേശനം. പ്രവേശനം സൗജന്യമാണ്.
