ദോഹ: ഖത്തറിൽ മെഡിക്കൽ ലീവിന്റെ പ്രോസസ്സിംഗ് സമയം കുറച്ചതായി സിവിൽ സർവീസ് ആൻഡ് ഗവൺമെന്റ് ഡെവലപ്‌മെന്റ് ബ്യൂറോ. പൊതുജനാരോഗ്യ മന്ത്രാലയവുമായി (MoPH) സഹകരിച്ചാണ് നടപടി. മാനവ വിഭവശേഷി സംവിധാനമായ ‘മവാരിദ്’ (Mawared), ഓൺലൈൻ ലീവ് സംവിധാനമായ ‘ഇ-ജാസ’ (e-Jaza) എന്നിവയും തമ്മിലുള്ള ഏകോപനത്തിലൂടെ രാജ്യത്തെ സർക്കാർ ജീവനക്കാരുടെ മെഡിക്കൽ ലീവ് നടപടിക്രമങ്ങൾക്കുള്ള സമയം കുറച്ചതായി അതോറിറ്റി അറിയിച്ചു.
സർക്കാർ സേവനങ്ങൾ മെച്ചപ്പെടുത്തുന്നതിനും ഡിജിറ്റൽ പരിവർത്തനം വേഗത്തിലാക്കുന്നതിനുമുള്ള ഖത്തറിന്റെ തുടർച്ചയായ ശ്രമങ്ങളുടെ ഭാഗമായാണിത്. മെഡിക്കൽ അവധി അപേക്ഷകൾ കൈകാര്യം ചെയ്യുന്നതിനുള്ള ശരാശരി സമയം 81 പ്രവൃത്തി മണിക്കൂറിൽ നിന്ന് വെറും ഒരു മണിക്കൂറായി ഗണ്യമായി കുറയുമെന്നാണ് പ്രതീക്ഷിക്കുന്നതെന്നും അധികൃതർ ചൂണ്ടിക്കാട്ടി.
ഓൺലൈനായി മെഡിക്കൽ ലീവ് അവധി സർട്ടിഫിക്കറ്റുകൾ നൽകുന്നതിനും കൈകാര്യം ചെയ്യുന്നതിനും പരിശോധിക്കുന്നതിനുമുള്ള ഖത്തറിന്റെ കേന്ദ്ര ഡിജിറ്റൽ പ്ലാറ്റ്‌ഫോമാണ് ഇ-ജാസ സിസ്റ്റം. പൊതുജനാരോഗ്യ മന്ത്രാലയവും ആരോഗ്യ സംരക്ഷണ പ്രൊഫഷനുകളുടെ വകുപ്പുമാണ് ഇത് കൈകാര്യം ചെയ്യുന്നത്.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്- https://whatsapp.com/channel/0029VagTUieB4hdXiUEnVF1K
