ദോഹ: ഖത്തറില് മുനിസിപ്പാലിറ്റി മന്ത്രാലയം കസ്റ്റഡിയിലെടുത്ത വാഹനങ്ങള് ഉടമകള് തിരിച്ചെടുക്കാന് അവസരം. മന്ത്രാലയത്തിന്റെ വെബ്സൈറ്റിലൂടെയും ‘ഔണ്’ ആപ്ലിക്കേഷനിലൂടെയും ‘ഉപേക്ഷിക്കപ്പെട്ട കാറുകള് വീണ്ടെടുക്കല്’ സേവനം ആരംഭിച്ചു. മന്ത്രാലയത്തിന്റെ ഡിജിറ്റല് പരിവര്ത്തന പദ്ധതിയുടെ ഭാഗമായാണ് ഇത് നടപ്പിലാക്കുന്നത്.
വ്യക്തികള്ക്കും കമ്പനികള്ക്കും നിര്ദ്ദിഷ്ട ഗ്രേസ് പിരീഡില് (ഇംപൗണ്ട് ലോട്ടില് പ്രവേശിച്ച തീയതി മുതല് 3 മാസം) മുനിസിപ്പാലിറ്റി കൊണ്ടുപോയ വാഹനങ്ങള് നേരിട്ട് എത്താതെ തന്നെ പൂര്ണ്ണമായും ഓണ്ലൈന് നടപടിക്രമങ്ങളിലൂടെ വീണ്ടെടുക്കാന് സാധിക്കും.
സേവനം ഉപയോഗിക്കുന്നതിനുള്ള ഘട്ടങ്ങള്:
- http://www.mm.gov.qa എന്ന ലിങ്ക് വഴി മന്ത്രാലയത്തിന്റെ വെബ്സൈറ്റ് ആക്സസ് ചെയ്യുക.
- നാഷണല് ഓതന്റിക്കേഷന് സിസ്റ്റം (NAS) ഉപയോഗിച്ച് ലോഗിന് ചെയ്യുക
- ഇലക്ട്രോണിക് സേവനങ്ങളുടെ പട്ടികയില് നിന്ന് ‘ഉപേക്ഷിക്കപ്പെട്ട വാഹന വീണ്ടെടുക്കല്’ സേവനം തിരഞ്ഞെടുക്കുക.
- ഗുണഭോക്താവിന്റെ തരം വ്യക്തമാക്കുക, വ്യക്തി, കമ്പനി, അംഗീകൃത പ്രതിനിധി…
- വാഹന ലൈസന്സ് പ്ലേറ്റ് നമ്പര് അല്ലെങ്കില് chassis നമ്പര് (VIN) വിവരങ്ങള് നല്കുക.
- നിബന്ധനകളും വ്യവസ്ഥകളും അവലോകനം ചെയ്ത് ‘അപേക്ഷ സമര്പ്പിക്കുക’ എന്ന ഓപ്ഷന് ക്ലിക്ക് ചെയ്യുക.
- ആപ്പ് അല്ലെങ്കില് വെബ്സൈറ്റ് വഴി ഓണ്ലെനായി അപേക്ഷയുടെ സ്റ്റാറ്റസ് ട്രാക്ക് ചെയ്യാനും കഴിയും.
- ഉദ്യോഗസ്ഥര് അപേക്ഷ അവലോകനം ചെയ്ത് അംഗീകരിച്ച ശേഷം, ഓണ്ലൈന് പേയ്മെന്റ് ഘട്ടത്തിലേക്ക് നീങ്ങും.
- ഫീസ് അടച്ച് ഓണ്ലൈന് അപേക്ഷ പൂര്ത്തിയാക്കുക
- പണമടച്ചതിന് ശേഷം, ഒരു ഇലക്ട്രോണിക് പേയ്മെന്റ് രസീത് ലഭിക്കുകയും കാര് എടുക്കാന് ബുക്കിംഗ് സ്ഥലത്തേക്ക് നിങ്ങളെ നയിക്കുന്ന ഒരു സന്ദേശം ലഭിക്കുകയും ചെയ്യും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
