കോഴിക്കോട്: ലോറി ഉടമ മനാഫും അര്ജുന്റെ കുടുംബം തമ്മിലുള്ള പ്രശ്നങ്ങള് നീങ്ങി. മനാഫ് അര്ജുന്റെ കുടുംബത്തെ നേരിട്ട് കണ്ടു. പ്രശ്നങ്ങള് എല്ലാം പറഞ്ഞ് തീര്ത്തുവെന്ന് അര്ജുന്റെ ബന്ധു ജിതിനും മനാഫും വ്യക്തമാക്കി.
ലോറി ഉടമ മനാഫിനെതിരെ ആരോപണങ്ങളുമായി അര്ജുന്റെ കുടുംബം രംഗത്തെത്തിയതോടെയാണ് വിവാദങ്ങള്ക്ക് തുടക്കമായത്. മാധ്യമങ്ങളില് പറഞ്ഞ ചില കാര്യങ്ങള് മൂലം കടുത്ത സൈബര് ആക്രമണമാണ് കുടുംബം നേരിടുന്നതെന്നും അര്ജുന്റെ ഭാര്യയടക്കമുള്ള കുടുംബത്തോടൊപ്പം മാധ്യമങ്ങള്ക്ക് മുന്നിലെത്തി അര്ജുന്റെ സഹോദരീ ഭര്ത്താവ് ജിതിന് മാധ്യമങ്ങളോട് പറഞ്ഞിരുന്നു.
മനാഫിനെതിരെ ആരോപണം ഉന്നയിച്ചതിന് പിന്നാലെ ഇക്കാര്യത്തില് വിശദീകരണവുമായി മനാഫും രംഗത്തെത്തിയിരുന്നു. സൈബര് ആക്രമണം രൂക്ഷമായതോടെ മനാഫ് വാര്ത്താസമ്മേളനം നടത്തി അര്ജുന്റെ കുടുംബത്തോട് നിരുപാധികം മാപ്പും പറഞ്ഞു. അര്ജുന്റെ കുടുംബത്തിനെതിരായി നടക്കുന്ന സൈബര് ആക്രമണങ്ങള് ഉണ്ടാകരുതെന്നും ഇത്തരം വിവാദങ്ങള് അവസാനിപ്പിക്കണമെന്നും മനാഫ് ആവശ്യപ്പെട്ടിരുന്നു. ഇതിന് പിന്നാലെയാണ് മനാഫ് നേരിട്ടെത്തി കുടുംബാംഗങ്ങളെ കണ്ടത്. മതസ്പര്ദ്ധ വളര്ത്താന് ശ്രമിച്ചിട്ടില്ലെന്നും മനാഫ് പറഞ്ഞു.
കൂടുതൽ ജിസിസി വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
