അഡ്മിഷൻ കിട്ടില്ലെന്ന് ടെൻഷൻ വേണ്ട..സ്വകാര്യ സ്കൂളുകളിൽ സീറ്റ്‌ കൂട്ടുന്നു

ദോഹ: ഖത്തറിൽ സ്വകാര്യ സ്‌കൂളുകളിൽ സീറ്റ്‌ കൂട്ടുന്നു. വിദ്യാഭ്യാസ-ഉന്നത വിദ്യാഭ്യാസ മന്ത്രാലയം പുതിയ നിയന്ത്രണ പരിഷ്കാരങ്ങൾ പ്രഖ്യാപിച്ചു. സ്വകാര്യ വിദ്യാഭ്യാസ മേഖലയിൽ കൂടുതൽ വഴക്കമുള്ള നിക്ഷേപ അന്തരീക്ഷം സൃഷ്ടിക്കുക, വിദ്യാഭ്യാസ അവസരങ്ങൾ വിപുലീകരിക്കുക, സുസ്ഥിര വളർച്ചയെ പിന്തുണയ്ക്കുക എന്നീ ലക്ഷ്യങ്ങളോടെയാണ് തീരുമാനം.

രാജ്യത്തെ 46 സ്വകാര്യ സ്കൂളുകളിലായി 6,883 സീറ്റുകൾ കൂടി അധികമായി അനുവദിക്കും. സ്കൂളുകളുടെ ട്യൂഷൻ ഫീസ് വിഭാഗങ്ങൾ പരിഷ്കരിച്ചതായും, ആദ്യ വിഭാഗത്തിൽപ്പെടുന്ന മിതമായ ഫീസ് നിരക്കുള്ള സ്കൂളുകളിലെ സീറ്റുകളുടെ എണ്ണം 18 ശതമാനം വർധിപ്പിച്ചതായും അധികൃതർ പറഞ്ഞു.

സാമൂഹിക പ്രതിബദ്ധതാ പദ്ധതികളുടെ ഭാഗമായി അർഹരായ വിദ്യാർത്ഥികൾക്കായി നീക്കിവെച്ചിരിക്കുന്ന 688 സൗജന്യ സീറ്റുകളും ഇതിൽ ഉൾപ്പെടുന്നുണ്ട്.

കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക –https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K