ദോഹ: ബംഗ്ലാദേശ് മുൻ വ്യോമസേനാ മേധാവി ഷെയ്ഖ് അബ്ദുൾ ഹന്നാൻ ഖത്തറിൽ വെച്ച് അറസ്റ്റിൽ. നാട്ടിൽ രജിസ്റ്റർ ചെയ്ത അഴിമതി, കള്ളപ്പണം വെളുപ്പിക്കൽ കേസിലാണ് നടപടി.
ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീനയുടെ ഭരണകാലത്ത് സർവീസ് മേധാവിയായി നിയമിക്കപ്പെട്ട ഹന്നാനെ, ഒക്ടോബർ 15-ന് ഖത്തർ അധികൃതർ കസ്റ്റഡിയിലെടുത്തതായി ബംഗ്ലാദേശിലെ അഴിമതി വിരുദ്ധ കമ്മീഷനെ (ACC) ഉദ്ധരിച്ച് വാർത്താ ഏജൻസിയായ പിടിഐ റിപ്പോർട്ട് ചെയ്തു. ഖത്തറിലെ നിയമപാലക ഏജൻസി അദ്ദേഹത്തെ കസ്റ്റഡിയിലെടുത്തതായി ഇന്റർപോൾ തങ്ങളെ അറിയിച്ചുവെന്ന് എസിസി ഡെപ്യൂട്ടി ഡയറക്ടർ എം.ഡി. അക്തറുൽ ഇസ്‌ലാം പറഞ്ഞു.
അന്വേഷണവും യാത്രാവിലക്കും നിലനിൽക്കെത്തന്നെ, ഹന്നാൻ ബംഗ്ലാദേശ് വിട്ടുപോയിരുന്നു. ബംഗ്ലാദേശിലെ അഴിമതി വിരുദ്ധ കമ്മീഷൻ (ACC) പറയുന്നതനുസരിച്ച്, വെളിപ്പെടുത്തിയ വരുമാന സ്രോതസ്സുകൾക്ക് പുറമെ 3.28 കോടി ബംഗ്ലാദേശി ടാക്ക (Tk) മൂല്യമുള്ള സ്വത്തുക്കൾ സമ്പാദിച്ചുവെന്നാണ് വിരമിച്ച എയർ ചീഫ് മാർഷലായ ഹന്നനെതിരെയുള്ള ആരോപണം. തന്റെ ആറ് വ്യക്തിഗത ബാങ്ക് അക്കൗണ്ടുകൾ വഴി 27.63 കോടി ടാക്കയുടെ സംശയാസ്പദമായ ഇടപാടുകൾ അദ്ദേഹം നടത്തിയതായും പി.ടി.ഐ (PTI) റിപ്പോർട്ട് ചെയ്യുന്നു.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക –https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
