ദോഹ: ഖത്തറിലെ വിപണിയിൽ നിന്ന് ‘ഐസോടീയേഴ്സ്-പ്ലസ്’ (ISOTEARS-Plus) ഐ ഡ്രോപ്പുകളുടെ എല്ലാ ബാച്ചുകളും പിൻവലിച്ചതായി പൊതുജനാരോഗ്യ മന്ത്രാലയം അറിയിച്ചു. ഈ ഐ ഡ്രോപ്പുകളുടെ ഉപയോഗം നിർത്തണമെന്നും മന്ത്രാലയം പൊതുജനങ്ങളോട് ആവശ്യപ്പെട്ടു.
ഉൽപ്പാദന കേന്ദ്രത്തിലെ വിവരങ്ങളുടെ വിശ്വാസ്യത (data integrity), അണുവിമുക്തമായ ഉൽപ്പാദന പ്രക്രിയ (aseptic processing) എന്നിവയുമായി ബന്ധപ്പെട്ട് ഗുരുതരമായ പ്രശ്നങ്ങൾ കണ്ടെത്തിയതിനെ തുടർന്നാണ് മന്ത്രാലയത്തിന്റെ നടപടി. ഓരോ തവണ ഉപയോഗിക്കാവുന്ന 30 വയലുകൾ (vials) അടങ്ങിയ പാക്കുകളിലായാണ് ഈ ലൂബ്രിക്കന്റ് ഐ ഡ്രോപ്പ് വിപണനം ചെയ്യുന്നത്.
രോഗികളുടെ സുരക്ഷയിലും മരുന്നുകളുടെ ഗുണനിലവാരത്തിലുമുള്ള തങ്ങളുടെ പ്രതിബദ്ധത ആവർത്തിച്ചുകൊണ്ട്, ഈ ഉൽപ്പന്നത്തിന്റെ ഉപയോഗം നിർത്തിവെക്കാൻ മന്ത്രാലയം പൊതുജനങ്ങളോട് അഭ്യർത്ഥിച്ചു.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക –https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
