മസ്‌കത്ത്: ഒമാനില്‍ റെസിഡന്‍സി ചട്ടങ്ങളില്‍ പ്രധാന മാറ്റം പ്രഖ്യാപിച്ചു. പ്രവാസി റെസിഡന്‍സി കാര്‍ഡിന്റെ സാധുത മൂന്ന് വര്‍ഷത്തില്‍ നിന്ന് 10 വര്‍ഷമായി ഉയര്‍ത്തി. പോലീസ് ആന്‍ഡ് കസ്റ്റംസ് ഇന്‍സ്പെക്ടര്‍ ജനറല്‍ ലെഫ്റ്റനന്റ് ജനറല്‍ ഹസ്സന്‍ ബിന്‍ മൊഹ്സിന്‍ അല്‍ ഷുറൈഖി പുറപ്പെടുവിച്ച തീരുമാനം പ്രകാരം സിവില്‍ സ്റ്റാറ്റസ് നിയമത്തിലെ എക്‌സിക്യൂട്ടീവ് ചട്ടങ്ങള്‍ ഭേദഗതി ചെയ്യുന്നതായി അതീര്‍ പത്രം റിപ്പോര്‍ട്ട് ചെയ്തു.
പുതിയ നിയമങ്ങള്‍ പ്രകാരം, റെസിഡന്‍സി കാര്‍ഡുകള്‍ക്ക് ഇപ്പോള്‍ 10 വര്‍ഷം വരെ സാധുതയുണ്ടാകും. ഐഡികള്‍ കാലഹരണപ്പെട്ട് 30 ദിവസത്തിനുള്ളില്‍ പുതുക്കണം. ഐഡി ഇഷ്യൂ ചെയ്യുന്നതിനും പുതുക്കുന്നതിനുമുള്ള ഫീസ് പ്രതിവര്‍ഷം അഞ്ച് ഒമാനി റിയാലായി നിശ്ചയിച്ചിട്ടുണ്ട്. നഷ്ടപ്പെട്ടതോ കേടായതോ ആയ കാര്‍ഡുകള്‍ക്ക് മാറ്റിസ്ഥാപിക്കുന്നതായി 20 റിയാല്‍ ഫീസ് ഈടാക്കും.
കൂടുതല്‍ വാര്‍ത്തകള്‍ക്കും തൊഴിലവസരങ്ങള്‍ക്കും ഗള്‍ഫ് മലയാളി വാര്‍ത്താ ഗ്രൂപ്പില്‍ ജോയിന്‍ ചെയ്യുക – https://chat.whatsapp.com/DEUubIBAkhI9HFrIvyQtal
വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K
