ദോഹ: ഖത്തറിൽ ഹസ്ം അൽ മർഖിയ പാർക്ക് പൊതുജനങ്ങൾക്കായി തുറന്നു. പബ്ലിക് പാർക്ക് ഡിപ്പാർട്ട്‌മെൻ്റ് പ്രതിനിധീകരിക്കുന്ന മുനിസിപ്പാലിറ്റി മന്ത്രാലയം കഴിഞ്ഞ ദിവസം പാർക്ക് ഉദ്ഘാടനം ചെയ്തു. സുരക്ഷിതമായ അന്തരീക്ഷത്തിൽ കായിക വിനോദ പരിപാടികൾ ആസ്വദിക്കാൻ സന്ദർശകർക്ക് പാർക്കിൽ അവസരമൊരുക്കും. മൊത്തം 24,000 ചതുരശ്ര മീറ്ററിലാണ് പാർക്ക് സ്ഥിതി ചെയ്യുന്നത്, അതിൽ 14,500 ചതുരശ്ര മീറ്റർ, പാർക്കിന്റെ മൊത്തം സ്ഥലത്തിൻ്റെ 60 ശതമാനം ഹരിത ഇടങ്ങളാണ്.
273 നാടൻ മരങ്ങളും 421 കുറ്റിച്ചെടികളും ഇവിടെയുണ്ട്. സസ്യങ്ങളുടെ ജൈവവൈവിധ്യം പ്രോത്സാഹിപ്പിക്കുന്നതിലും വായുവിൻ്റെ ഗുണനിലവാരം വർദ്ധിപ്പിക്കുന്നതിലും ഇവ പ്രധാന പങ്ക് വഹിക്കുന്നു. 585 മീറ്ററിലധികം നീളുന്ന നടപ്പാത, 671 മീറ്റർ നീളമുള്ള റണ്ണിംഗ് ട്രാക്കും വ്യായാമങ്ങൾക്കായി 85 ചതുരശ്ര മീറ്റർ വിസ്തൃതിയുള്ള ഔട്ട്ഡോർ ഫിറ്റ്നസ് ഏരിയയും പാർക്കിൽ സജ്ജീകരിച്ചിരിക്കുന്നു. സൈക്കിൾ യാത്രക്കാർക്ക് സുരക്ഷിതമായ അന്തരീക്ഷം ഉറപ്പാക്കാൻ 687 മീറ്റർ നീളത്തിൽ സൈക്ലിംഗ് പാതയും ഉണ്ട്. 454 ചതുരശ്ര മീറ്റർ വിസ്തീർണ്ണമുള്ള കുട്ടികളുടെ കളിസ്ഥലം അഞ്ച് വയസ്സിന് താഴെയുള്ള കുട്ടികൾക്കും ആറ് മുതൽ പന്ത്രണ്ട് വയസ്സുവരെയുള്ള കുട്ടികൾക്കുമായി വിഭാഗങ്ങളായി തിരിച്ചിരിക്കുന്നു, സുരക്ഷയുടെയും വിനോദത്തിൻ്റെയും ഉയർന്ന നിലവാരം ഉറപ്പാക്കുന്നുമുണ്ട്. വിശ്രമമുറികൾ, ഇരിപ്പിടങ്ങൾ, 44 പാർക്കിംഗ് സ്ഥലങ്ങൾ തുടങ്ങിയ സൗകര്യങ്ങളും സജ്ജീകരിച്ചിരിക്കുന്നു.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
