ദോഹ: ഹെൽത്ത് കാർഡ് പുതുക്കലുമായി ബന്ധപ്പെട്ട് വ്യാജ മൊബൈൽ സന്ദേശങ്ങൾ പ്രചരിക്കുന്നതായി ഖത്തർ എച്ച്എംസിയുടെ മുന്നറിയിപ്പ്. സംശയാസ്പദമായ ലിങ്കുകൾ അടങ്ങിയ ഹെൽത്ത് കാർഡ് പുതുക്കലുമായി ബന്ധപ്പെട്ട വ്യാജ സന്ദേശങ്ങളിൽ ജാഗ്രത പാലിക്കണമെന്നും ഹമദ് മെഡിക്കൽ കോർപ്പറേഷൻ (എച്ച്എംസി) മുന്നറിയിപ്പ് നൽകി.
രോഗികളും പൊതുജനങ്ങളും ജാഗ്രത പാലിക്കണമെന്നും പരിശോധിച്ചുറപ്പിക്കാത്ത ഉറവിടങ്ങളിൽ നിന്നുള്ള ലിങ്കുകളോ എസ്എംഎസുകളോ തുറക്കുന്നത് ഒഴിവാക്കണമെന്നും എച്ച്എംസി നിർദ്ദേശിച്ചു. ഇത്തരം വ്യാജ സന്ദേശങ്ങളിൽ നിങ്ങളുടെ വ്യക്തിഗത വിവരങ്ങളോ ഹെൽത്ത് കാർഡോ അപ്‌ഡേറ്റ് ചെയ്യുന്നതായി അവകാശപ്പെടുന്ന വഞ്ചനാപരമോ സംശയാസ്പദമായതോ ആയ ലിങ്കുകളോ അടങ്ങിയിരിക്കാമെന്നും എച്ച്എംസി എക്‌സിൽ വ്യക്തമാക്കി.
ഹെൽത്ത് കാർഡ് പുതുക്കുന്നതിനുള്ള ഔദ്യോഗിക ലിങ്കും എച്ച്എംസി ഉപയോക്താക്കൾക്കായി പങ്കുവെച്ചു.https://services.hukoomi.gov.qa/en/e-services/renew-health-card
കൂടുതൽ ജിസിസി വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-
https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-
https://whatsapp.com/channel/0029VagTUieB4hdXiUEnVF1K
