ദോഹ: ഖത്തറിലെ നിലവിലെ സാഹചര്യത്തില്‍ ഷോപ്പിംഗ് മാളുകളിലേക്ക് മാര്‍ക്കറ്റുകളിലേക്കും പോകുന്നവര്‍ക്ക് മുന്നറിയിപ്പുമായി ആഭ്യന്തര മന്ത്രാലയം. ദേശീയ മുന്നറിയിപ്പ് സംവിധാനത്തിലൂടെ ഫോണുകളില്‍ മുന്‍കരുതല്‍ മുന്നറിയിപ്പുകള്‍ ലഭിക്കുമ്പോള്‍ എങ്ങനെ പ്രതികരിക്കണമെന്നാണ് സുരക്ഷാ മാര്‍ഗനിര്‍ദ്ദേശങ്ങളിലൂടെ ഖത്തര്‍ ആഭ്യന്തര മന്ത്രാലയം വ്യക്തമാക്കിയത്.
പൊതുജന സുരക്ഷ ഉറപ്പാക്കാനും ശാന്തമായി സ്ഥിതിഗതികള്‍ നേരിടാനും ഔദ്യോഗിക നിര്‍ദ്ദേശങ്ങള്‍ പാലിക്കാനും സുരക്ഷാ ഉദ്യോഗസ്ഥരുമായി സഹകരിക്കാനും മന്ത്രാലയം പൊതുജനങ്ങളോട് അഭ്യര്‍ത്ഥിച്ചു
മാളുകള്‍ സന്ദര്‍ശിക്കുമ്പോള്‍ ഇക്കാര്യങ്ങള്‍ പ്രത്യേകം ശ്രദ്ധിക്കണം:
- അധികൃതരുടെ മുന്നറിയിപ്പുകള്‍ ഗൗരവമായി എടുക്കുക
- ദേശീയ മുന്നറിയിപ്പ് സംവിധാനത്തിലൂടെ പുറപ്പെടുവിക്കുന്ന മുന്നറിയിപ്പ് സന്ദേശങ്ങളും അറിയിപ്പുകളും ഗൗരവമായി എടുക്കുകയും അധികാരികള്‍ നല്‍കുന്ന നിര്‍ദ്ദേശങ്ങള്‍ പാലിക്കുകയും ചെയ്യുക.
- കെട്ടിടത്തിനുള്ളില്‍ തന്നെ തുടരുക
- ഒരു സ്‌ഫോടന ശബ്ദം കേട്ടാലോ ദേശീയ മുന്നറിയിപ്പ് അറിയിപ്പ് ലഭിച്ചാലോ, അപകടം കടന്നുപോയതായി ഔദ്യോഗിക നിര്‍ദ്ദേശങ്ങള്‍ സ്ഥിരീകരിക്കുന്നതുവരെ വീടിനുള്ളില്‍, കെട്ടിടത്തിനുള്ളില്‍ തന്നെ തുടരുക.
- ശാന്തത പാലിക്കുക.
- അടിയന്തര മുന്നറിയിപ്പുകള്‍ ലഭിക്കുമ്പോള്‍ തുറസ്സായ സ്ഥലങ്ങള്‍ ഒഴിവാക്കുക, അടുത്തുള്ള സുരക്ഷിത കെട്ടിടത്തിലേക്ക് ഉടന്‍ മാറുക, ജനാലകള്‍, ഗ്ലാസ് മുന്‍ഭാഗങ്ങള്‍, തുറന്ന സ്ഥലങ്ങള്‍ എന്നിവയില്‍ നിന്ന് അകന്നു നില്‍ക്കുക.
- ഷോപ്പിംഗ് മാളുകളിലോ മാര്‍ക്കറ്റുകളിലോ എമര്‍ജന്‍സി എക്‌സിറ്റുകളും എളുപ്പ വഴികളും എവിടെയാണെന്ന് മുന്‍കൂട്ടി മനസിലാക്കുക
- അടിയന്തര ഘട്ടങ്ങളില്‍ ലിഫ്റ്റുകള്‍ക്ക് പകരം പടികളും അടിയന്തര എക്‌സിറ്റുകളും ഉപയോഗിക്കുക, ലിഫ്റ്റുകള്‍ ഒഴിവാക്കുക.
- തിരക്ക് ഒഴിവാക്കുക
- സംശയാസ്പദമായ വസ്തുക്കള്‍ ശ്രദ്ധയില്‍പ്പെട്ടാല്‍ ഉടന്‍ സുരക്ഷാ ഉദ്യോഗസ്ഥരെ വിവരം അറിയിക്കുക.
- അജ്ഞാതമായ വസ്തുക്കളുടെ അടുത്തേക്ക് പോകരുത്
- തിരിച്ചറിയാനാകാത്ത വസ്തുക്കളെയോ അവശിഷ്ടങ്ങളെയോ സമീപിക്കുന്നത് ഒഴിവാക്കുക.
- സംഭവങ്ങളുടെയോ നിലവിലുള്ള സുരക്ഷാ നടപടിക്രമങ്ങളുടെയോ ഫോട്ടോ എടുക്കരുത്.
- സുരക്ഷാ ജീവനക്കാരുമായി സഹകരിക്കുക
- അടിയന്തര ഘട്ടങ്ങളില്‍ സുരക്ഷാ ഉദ്യോഗസ്ഥരുടെ നിര്‍ദ്ദേശങ്ങള്‍ പാലിക്കുകയും അവരുമായി സഹകരിക്കുകയും ചെയ്യുക.
സുരക്ഷാ മാര്‍ഗ്ഗനിര്‍ദ്ദേശങ്ങള്‍ പാലിക്കുന്നത് സന്ദര്‍ശകരുടെ സുരക്ഷ ഉറപ്പാക്കാന്‍ സഹായിക്കുമെന്നും അടിയന്തര സാഹചര്യങ്ങള്‍ കൈകാര്യം ചെയ്യുന്നതില്‍ സുരക്ഷാ അധികാരികളുടെ ശ്രമങ്ങളെ പിന്തുണയ്ക്കുമെന്നും ആഭ്യന്തര മന്ത്രാലയം വ്യക്തമാക്കി.
കൂടുതല്‍ വാര്‍ത്തകള്‍ക്കും തൊഴിലവസരങ്ങള്‍ക്കും ഗള്‍ഫ് മലയാളി വാര്‍ത്താ ഗ്രൂപ്പില്‍ ജോയിന്‍ ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K
