ഹൈദരാബാദ്: വിമാനയാത്രയ്ക്കിടെ എയര് ഹോസ്റ്റസിനോട് അപമര്യാദയായി പെരുമാറിയ മലയാളി യുവാവ് അറസ്റ്റിലായി. ദുബായ് – ഹൈദരാബാദ് എയര് ഇന്ത്യ വിമാനത്തില് വെള്ളിയാഴ്ചയാണ് സംഭവം. എയര് ഹോസ്റ്റസിനെ ദുരുദ്ദേശ്യത്തോടെ സ്പര്ശിച്ചെന്നാണ് പരാതി.
സോഫ്റ്റ് വെയര് രംഗത്ത് ജോലി ചെയ്യുന്ന ഇയാള് മദ്യലഹരിയിലായിരുന്നു. വിമാനം ഹൈദരാബാദില് ലാന്ഡ് ചെയ്തശേഷം പുറത്തിറങ്ങവെ പാസ്പോര്ട്ട് സീറ്റില് മറന്നുവച്ചതായി ഇയാള് പറഞ്ഞു. ഇതു തിരഞ്ഞ ജീവനക്കാര് അധിക്ഷേപ വാക്കുകളുള്ള കുറിപ്പാണു കണ്ടത്. തുടര്ന്നു നല്കിയ പരാതിയില് എയര്പോര്ട്ട് പൊലീസാണ് അറസ്റ്റ് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
