ദോഹ: കടുത്ത വേനല്‍ക്കാലത്തിന് ശേഷം ഖത്തറില്‍ ശൈത്യകാലം ആരംഭിക്കുന്നു. 2025-2026 ലെ വിന്റര്‍ ക്യാമ്പിംഗ് സീസണ്‍ ഒക്ടോബര്‍ 15 മുതല്‍ 2026 ഏപ്രില്‍ 15 വരെയായിരിക്കുമെന്ന് പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC)ഔദ്യോഗികമായി പ്രഖ്യാപിച്ചു. നടക്കും. വിന്റര്‍ ക്യാമ്പിംഗ് സീസണിന്റെ രജിസ്‌ട്രേഷന്‍ ഒക്ടോബര്‍ 1 ന് ആരംഭിക്കും. ഒക്ടോബര്‍ 14 വരെ രജിസ്‌ട്രേഷന്‍ നീണ്ടുനില്‍ക്കും.
മന്ത്രാലയത്തിന്റെ ഔദ്യോഗിക വെബ്സൈറ്റിലൂടെയും ‘Be’ah’ മൊബൈല്‍ ആപ്ലിക്കേഷനിലൂടെയും രജിസ്‌ട്രേഷന്‍ ചെയ്യാനാവും. ഒക്ടോബര്‍ 15 മുതല്‍ നവംബര്‍ 15 വരെ സ്ഥലങ്ങള്‍ ലഭ്യമായ പ്രദേശങ്ങള്‍ക്കായാണ് രജിസ്‌ട്രേഷന്‍. രാജ്യത്തെ ഭൂമിശാസ്ത്രപരമായ സ്ഥാനം അടിസ്ഥാനമാക്കിയാണ് മൂന്ന് ഘട്ടങ്ങളായുള്ള രജിസ്‌ട്രേഷന്‍ പ്രക്രിയ നടക്കുന്നതെന്ന് വന്യജീവി സംരക്ഷണ വകുപ്പ് ഡയറക്ടര്‍ ഹമദ് സലേം അല്‍ നുഐമി പറഞ്ഞു.
ഒക്ടോബര്‍ 1 മുതല്‍ 4cTypeface:> മധ്യ മേഖല (ഉം അല്‍-അത്തം, റൗദത്ത് റാഷിദ്, റൗദത്ത് ആയിഷ, സൗത്ത് ഖുറൈജ്, അബു സമ്ര, സെക്രീത് കോസ്റ്റല്‍ റിസര്‍വ് എന്നിവയുള്‍പ്പെടെ). ഒക്ടോബര്‍ 5 മുതല്‍ 8cTypeface:> തെക്കന്‍ മേഖല (ഒക്ടോബര്‍ 5 ന് സീലൈന്‍ റിസര്‍വ്, ഒക്ടോബര്‍ 6 മുതല്‍ 8 വരെ അല്‍-നുക്യാന്‍, അല്‍-ഖരാര, മക്കിനിസ്, സീലൈന്‍, ഖോര്‍ അല്‍-അദ്ദിദ് തുടങ്ങിയ പ്രദേശങ്ങള്‍ ഉള്‍പ്പെടെ). ഒക്ടോബര്‍ 9 മുതല്‍ 14 വരെ: ലഭ്യമായ എല്ലാ സൈറ്റുകളും ഉള്‍ക്കൊള്ളുന്ന വടക്കന്‍ മേഖല എന്നിങ്ങനെയാണ് രജിസ്‌ട്രേഷന്‍ നടക്കുന്നത്.
ക്യാമ്പിന് അപേക്ഷിക്കുന്നവര്‍ക്ക് 25 വയസോ അതില്‍ കൂടുതലോ പ്രായമുണ്ടായിരിക്കണം. അപേക്ഷകര്‍ മന്ത്രാലയത്തിന്റെ ഇലക്ട്രോണിക് സംവിധാനം വഴി രജിസ്‌ട്രേഷന്‍ ഫീസും ഇന്‍ഷുറന്‍സും അടയ്ക്കണം. ശുചിത്വം പാലിക്കണം, പരിസ്ഥിതിക്ക് ദോഷം വരുത്തുന്നത് ഒഴിവാക്കണം. ഏതെങ്കിലും ലംഘനങ്ങള്‍ പിഴയും പെര്‍മിറ്റുകള്‍ റദ്ദാക്കാനുള്ള സാധ്യതയും ഉണ്ടാക്കുമെന്ന് അദ്ദേഹം കൂട്ടിച്ചേര്‍ത്തു.
സ്ഥിരീകരിക്കാത്ത ക്യാമ്പുകള്‍ക്കുള്ള ഇന്‍ഷുറന്‍സ് 30 ദിവസത്തിനുശേഷം റീഫണ്ട് ചെയ്യില്ല. കൂടാതെ ഈ കാലയളവിനുള്ളില്‍ സ്ഥിരീകരിക്കാത്ത ഏതൊരു റിസര്‍വേഷനും സ്വയമേവ റദ്ദാക്കപ്പെടും. ക്യാമ്പിംഗ് പെര്‍മിറ്റ് വ്യക്തിഗതമാണ്, അത് കൈമാറ്റം ചെയ്യാനോ സബ്ലീസ് ചെയ്യാനോ കഴിയില്ല.
കൂടുതല്‍ വാര്‍ത്തകള്‍ക്കും തൊഴിലവസരങ്ങള്‍ക്കും ഗള്‍ഫ് മലയാളി വാര്‍ത്താ ഗ്രൂപ്പില്‍ ജോയിന്‍ ചെയ്യുക – https://chat.whatsapp.com/DEUubIBAkhI9HFrIvyQtal
വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K
