ദോഹ: ഖത്തറിലെ വിവിധ റോഡുകളില്‍ സാധാരണയായി കാണുന്ന അടയാളങ്ങള്‍ക്ക് പകരം വളരെ വ്യത്യസ്തമായ ഒരു സൂചന/ അടയാളം പ്രത്യക്ഷ്യപ്പെട്ടു. ‘ദവാം’ എന്ന അറബി പദം ആവര്‍ത്തിച്ച് എഴുതിയ ചുവന്ന അടയാളങ്ങളാണ് പ്രവാസികള്‍ ഉള്‍പ്പെടെയുള്ളവരില്‍ കൗതുകമുണര്‍ത്തുന്നത്.
കോര്‍ണിഷ്, സല്‍വ റോഡ്, അല്‍ വാബ് സ്ട്രീറ്റ്, ഇ-റിങ് റോഡ്, ദുഖാന്‍ റോഡ് എന്നിവയുള്‍പ്പെടെ നിരവധി സ്ഥലങ്ങളില്‍ ഈ അടയാളങ്ങള്‍ പ്രത്യക്ഷപ്പെട്ടിട്ടുണ്ട്. എന്നാല്‍ ഇവയുടെ ഉദ്ദേശ്യമെന്ന് വ്യക്തമല്ല. ‘ദവാം’ എന്ന വാക്കിന്റെ അര്‍ത്ഥം ‘ജോലി സമയം’ എന്നാണ്, സാധാരണയായി രാവിലെ 8 മുതല്‍ വൈകുന്നേരം 4 വരെ പ്രവൃത്തിദിവസത്തെ സൂചിപ്പിക്കുന്നു.എന്നിരുന്നാലും, അടയാളങ്ങള്‍ക്ക് പിന്നിലെ അര്‍ത്ഥം പലരെയും ആശയക്കുഴപ്പത്തിലാക്കിയിട്ടുണ്ട്.
ഡ്രൈവര്‍മാരും കാല്‍നടയാത്രക്കാരും ഇത് എന്താണ് ഉദ്ദേശിക്കുന്നത് എന്ന് അറിയാതെ ആശയക്കുഴപ്പത്തിലാണ്. പലരും പല വ്യാഖ്യാനങ്ങളാണ് സോഷ്യല്‍മീഡിയയില്‍ പങ്കുവെയ്ക്കുന്നത്.
ജോലി സമയത്തെ ബഹുമാനിക്കാനും ജോലി നൈതികത മെച്ചപ്പെടുത്താനും ആളുകളെ പ്രോത്സാഹിപ്പിക്കുന്ന ഒരു കാമ്പെയ്നിന്റെ ഭാഗമാണ് ഈ അടയാളങ്ങള്‍ എന്ന് ചിലര്‍ അഭിപ്രായപ്പെടുന്നു. ‘ദവാം’ എന്നത് പുതിയ ജോലി ്‌ന്വേഷിക്കുന്ന പ്ലാറ്റ്ഫോമുമാണെന്ന് മറ്റുചിലരും അഭിപ്രായപ്പെടുന്നു. എന്നാല്‍ ഔദ്യോഗിക സ്ഥിരീകരണം ഇതുവരേയും വന്നിട്ടില്ല.പലരും ഔദ്യോഗിക വിശദീകരണത്തിനായി ആകാംക്ഷയോടെ കാത്തിരിക്കുകയാണ്.
കൂടുതല്‍ വാര്‍ത്തകള്‍ക്കും തൊഴിലവസരങ്ങള്‍ക്കും ഗള്‍ഫ് മലയാളി വാര്‍ത്താ ഗ്രൂപ്പില്‍ ജോയിന്‍ ചെയ്യുക – https://chat.whatsapp.com/DEUubIBAkhI9HFrIvyQtal
വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K
