ശ്രീനഗര്: ജമ്മു കശ്മീരിലെ പഹല്ഗാമില് ഇന്നലെയുണ്ടായ ഭീകരാക്രമണത്തില് പാകിസ്ഥാന്റെ പങ്ക് വ്യക്തമായതോടെ കനത്ത മറുപടി നല്കാന് ഇന്ത്യ. നിരപരാധികളായ, 26 കുടുംബങ്ങളുടെ അത്താണികളായ പുരുഷ വിനോദസഞ്ചാരികളെ കൊന്നൊടുക്കിയ ക്രൂരതയോട് കടുത്ത നടപടികളിലൂടെയാണ് മറുപടി. പാകിസ്ഥാനുമായുള്ള നയതന്ത്ര സഹകരണം അവസാനിപ്പിച്ചേക്കുമെന്നാണ് കേന്ദ്രസര്ക്കാര് വൃത്തങ്ങളില് നിന്നുള്ള സൂചന. പാകിസ്ഥാന്റെ തലസ്ഥാനമായ ഇസ്ലമാബാദിലെ ഇന്ത്യന് ഹൈക്കമ്മീഷന് കാര്യാലയത്തിന്റെ പ്രവര്ത്തനം നിര്ത്തിയേക്കും. ഒപ്പം സിന്ധു നദീ ജല കരാര് റദ്ദാക്കിയേക്കുമെന്നും റിപ്പോര്ട്ടുകള് പുറത്തുവരുന്നുണ്ട്.
ലഷ്ക്കര് ഇ തയ്ബ തലവന് സൈഫുള്ള കസൂരിയാണ് ഭീകരാക്രമണത്തിന്റെ ആസൂത്രകനെന്ന് തിരിച്ചറിഞ്ഞു. ആക്രമണം നടത്തിയ 4 ടിആര്എഫ് ഭീകരരുടെ ചിത്രം പുറത്ത് വിട്ടു. ഭീകരാക്രമണം നടന്ന സ്ഥലം കേന്ദ്ര ആഭ്യന്തരമന്ത്രി അമിത് ഷാ സന്ദര്ശിച്ചു. കൊല്ലപ്പെട്ടവരുടെ മൃതദേഹങ്ങള്ക്ക് മുന്നില് അദ്ദേഹം ആദരം അര്പ്പിച്ചു.
ഇന്നലെ ഉച്ചക്ക് രണ്ടരയോടെയായിരുന്നു ഭീകരരുടെ ആക്രമണം. വിനോദസഞ്ചാരികളുടെ നേര്ക്ക് കടന്നു കയറി വെടിയുതിര്ക്കുകയായിരുന്നു. മതം ചോദിച്ചായിരുന്നു ആക്രമണം.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
