ദോഹ: യാത്രക്കാര്‍ മറ്റുള്ളവരുടെ ബാഗുകള്‍ കൊണ്ടുപോകുന്നത് ഒഴിവാക്കണമെന്ന് ഖത്തര്‍ ആഭ്യന്തര മന്ത്രാലയം. യാത്രക്കാര്‍ സുരക്ഷ ഉറപ്പാക്കാന്‍ ജാഗ്രത പാലിക്കണമെന്നും ആഭ്യന്തര മന്ത്രാലയം (MoI) നിര്‍ദ്ദേശിച്ചു. മറ്റുള്ളവരുടെ ബാഗുകള്‍ കൊണ്ടുപോകുന്നത് യാത്രാ നടപടിക്രമങ്ങള്‍ വൈകിപ്പിക്കുകയും നിയമപരമായ നടപടികള്‍ക്ക് ഇടയാക്കുകയും ചെയ്യുമെന്നും മന്ത്രാലയം ചൂണ്ടിക്കാട്ടി.
മറ്റുള്ളവരുടെ ബാഗുകള്‍, അതില്‍ എന്താണെന്ന് അറിയാതെ കൊണ്ടുപോകരുതെന്ന് മന്ത്രാലയം സോഷ്യല്‍മീഡിയയിലൂടെ യാത്രക്കാരോട് അഭ്യര്‍ത്ഥിച്ചു. ‘ലഗേജിന്റെ ഉള്ളടക്കം പരിശോധിക്കുമ്പോള്‍ അതില്‍ നിയമവിരുദ്ധമായ വസ്തുക്കള്‍ ഉണ്ടെങ്കില്‍ യാത്രക്കാരെ നിയമപരമായ ബാധ്യതയിലേക്ക് നയിച്ചേക്കാം. ഈ വസ്തുക്കള്‍ രാജ്യത്ത് നിരോധിച്ചിട്ടുണ്ടെങ്കില്‍, അത് വഹിക്കുന്നയാള്‍ക്ക്/ കൊണ്ടുപോകുന്ന വ്യക്തിക്ക് പൂര്‍ണ്ണ നിയമപരമായ ഉത്തരവാദിത്തമുണ്ടെന്നും ആഭ്യന്തര മന്ത്രാലയം മുന്നറിയിപ്പ് നല്‍കി.
ചില മയക്കുമരുന്ന് വസ്തുക്കള്‍ ഉദ്ധരിച്ച് സംശയാസ്പദമായ വസ്തുക്കളോ മരുന്നുകളോ കൊണ്ടുവരുന്നത് ഒഴിവാക്കാനും മന്ത്രാലയം നിര്‍ദ്ദേശിച്ചിട്ടുണ്ട്, കൂടാതെ ചില രാജ്യങ്ങളില്‍ ഉപയോഗിക്കാന്‍ അനുവാദമുള്ള മരുന്നുകള്‍ പക്ഷേ അവ ഖത്തറില്‍ നിരോധിച്ചവയായിരിക്കാം. ‘സംശയാസ്പദമായ സ്ഥലങ്ങളില്‍ നിന്നും മോശം വ്യക്തികളില്‍ നിന്നും അകന്നു നില്‍ക്കുക. ഏത് കുറ്റകൃത്യവും റിപ്പോര്‍ട്ട് ചെയ്യാന്‍ മടിക്കരുത്. സുരക്ഷ എല്ലാവര്‍ക്കും പൊതു ഉത്തരവാദിത്തമാണ്- ഖത്തര്‍ ആഭ്യന്തര മന്ത്രാലയം വ്യക്തമാക്കി.
കൂടുതല്‍ വാര്‍ത്തകള്‍ക്കും തൊഴില്‍ അവസരങ്ങള്‍ക്കും ഗള്‍ഫ് വാര്‍ത്തകള്‍ ഗ്രൂപ്പില്‍ ജോയിന്‍ ചെയ്യുക- https://chat.whatsapp.com/Iz8594zylUiGUCaltFYrr7
ഗള്‍ഫ് വാര്‍ത്തകള്‍ വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K
