കോഴിക്കോട്: കോഴിക്കോട് നിന്ന് ബഹ്‌റൈനിലേക്കുള്ള എയര്‍ ഇന്ത്യ എക്‌സ്പ്രസ് വൈകുന്നു. രാവിലെ 2 മണിക്കൂറോളം യാത്രികരെ വിമാനത്തില്‍ കയറ്റിയിരുത്തിയ ശേഷം വിമാനത്തില്‍ നിന്ന് ഇറക്കി. സാങ്കേതിക തകരാറാണെന്നാണ് അധികൃതരുടെ വിശദീകരണം.
അതേസമയം രാവിലെ 10.10ന് പോകേണ്ട വിമാനം ഇതുവരെയും പുറപ്പെട്ടില്ല. വിമാനം പുറപ്പെടാന്‍ അനിശ്ചിതമായി വൈകുന്നതില്‍ പ്രതിഷേധം ശക്തമാണ്. വിമാനം, പുറപ്പെടാനായി ഇന്ത്യന്‍ സമയം വൈകീട്ട് 4 മണിക്ക് ഷെഡ്യൂള്‍ ചെയ്‌തെങ്കിലും വീണ്ടും സമയം മാറ്റി. 6.50ന് പുറപ്പെടുമെന്നാണ് നിലവില്‍ യാത്രക്കാര്‍ക്ക് നല്‍കിയ അറിയിപ്പ്. അതേസമയം ജീവനക്കാരുടെ കുറവാണ് വിമാന സര്‍വീസിന് പ്രതിസന്ധിക്ക് കാരണമെന്ന് യാത്രക്കാര്‍ ആരോപിച്ചു.
