ദോഹ: ഖത്തറില് കൈറ്റ് ഫെസ്റ്റിവല് തിരിച്ചെത്തുന്നു. രാജ്യത്തെ് ഏറ്റവും പ്രതീക്ഷയോടെ കാത്തിരിക്കുന്ന ശൈത്യകാല പരിപാടികളിലൊന്നാണ് കൈറ്റ് ഫെസ്റ്റിവല്. അന്താരാഷ്ട്ര തലത്തില് പ്രശസ്തരായ പട്ടം പറത്തുന്നവര് ഒരുമിച്ച് രാജ്യത്ത് എത്തുന്നതാണ് പരിപാടി. കൈറ്റ് ഫെസ്റ്റിവലിന്റെ ഔദ്യോഗിക വെബ്സൈറ്റ് പ്രകാരം, ജനുവരി 15 മുതല് 24 വരെ കൈറ്റ് ഫെസ്റ്റിവല് ദോഹയില് നടക്കും. ഈ വര്ഷം ലോകമെമ്പാടുമുള്ള 20 പ്രൊഫഷണല് പട്ടം പറത്തല് ടീമുകള് ഫെസ്റ്റിവലില് പങ്കെടുക്കും.
സന്ദര്ശകര്ക്ക് രാവും പകലും പട്ടം പറത്തല് ആസ്വദിക്കാനാവും. ഒപ്പം മറ്റ് കലാരൂപങ്ങള് പ്രദര്ശിപ്പിക്കല്, കഥാപാത്ര പട്ടങ്ങള്, അന്താരാഷ്ട്ര വിദഗ്ധരുടെ നേതൃത്വത്തില് സമന്വയിപ്പിച്ച പ്രകടനങ്ങള് എന്നിവയും പ്രതീക്ഷിക്കാം. ഫുഡ് ഔട്ട്ലെറ്റുകളും സന്ദര്ശകര്ക്കായി ഒരുക്കും. കുട്ടികള്ക്കായി പട്ടം നിര്മ്മാണ വര്ക്ക്ഷോപ്പുകള്, സൗജന്യ പട്ടം സമ്മാനങ്ങള്, സാംസ്കാരിക പ്രകടനങ്ങള്, കാര്ണിവല് പരേഡുകള്, സ്റ്റേജ് ഷോകള്, കുട്ടികള്ക്കായി പ്രത്യേക മേഖലകള്, കളിസ്ഥലങ്ങള് എന്നിവയുള്പ്പെടെ നിരവധി ഗ്രൗണ്ട് പ്രവര്ത്തനങ്ങളും ഫെസ്റ്റിവലില് ഉണ്ടായിരിക്കും. ഫെസ്റ്റിവലിനെക്കുറിച്ചുള്ള കൂടുതല് വിവരങ്ങള് വരും ദിവസങ്ങളില് സംഘാടകര് പ്രഖ്യാപിക്കും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക –
https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്-https://whatsapp.com/channel/0029VagTUieB4hdXiUEnVF1K
