ഡല്ഹി: വഖഫ് നിയമ ഭേദഗതിയുമായി ബന്ധപ്പെട്ട ഹര്ജികളില് സുപ്രീംകോടതിയുടെ നിര്ണായക നിര്ദ്ദേശം. വഖഫായി പ്രഖ്യാപിച്ച സ്വത്തുക്കള് ഡീനോട്ടിഫൈ ചെയ്യരുതെന്നാണ് സുപ്രീം കോടതിയുടെ പ്രധാന നിര്ദ്ദേശം. അതായത് ഉപയോഗം വഴിയോ കോടതി ഉത്തരവ് വഴിയോ വഖഫ് ആയ സ്വത്തുക്കള് അതല്ലാതാക്കരുത്. വഖഫ് കൗണ്സിലില് എക്സ് ഒഫിഷ്യോ അംഗങ്ങള് ഒഴികെയുള്ളവര് മുസ്സിംങ്ങള് തന്നെയാകണം എന്നും സുപ്രീം കോടതി നിര്ദ്ദേശിച്ചിട്ടുണ്ട്. കളക്ടര്മാര്ക്ക് വഖഫ് ഭൂമികളില് അന്വേഷണം നടത്താം, പക്ഷെ അന്വേഷണം നടക്കുമ്പോള് വഖഫ് സ്വത്തുക്കള് അതല്ലാതാകില്ലെന്നും സുപ്രീം കോടതി വ്യക്തമാക്കി. ഇന്ന് ഇടക്കാല ഉത്തരവിലേക്ക് സുപ്രീം കോടതി നീങ്ങിയെങ്കിലും നാളെ കൂടി വാദം കേട്ട ശേഷം നാളെ ഇടക്കാല ഉത്തരവിറക്കാം എന്ന് വ്യക്തമാക്കുകയായിരുന്നു.
ഉപയോഗം വഴി വഖഫ് ആയവ അതല്ലാതെ ആക്കിയാല് വലിയ പ്രത്യാഘാതങ്ങള് നേരിടേണ്ടി വരുമെന്ന് ആശങ്കപ്പെടുന്നതായി കോടതി അഭിപ്രായപ്പെട്ടു. നാളെ രണ്ടുമണിക്ക് ഹര്ജികളില് വീണ്ടും വാദം കേള്ക്കും. വഖഫ് ബില്ലില് ഇടക്കാല ഉത്തരവ് ഇന്നിറക്കരുതെന്ന കേന്ദ്ര നിര്ദ്ദേശം അംഗീകരിച്ചാണ് നാളെയും വാദം കേള്ക്കാം എന്ന് സുപ്രീംകോടതി വ്യക്തമാക്കിയത്. ഹര്ജിക്കാരില് മൂന്ന് അഭിഭാഷകര്ക്ക് മാത്രമേ വാദിക്കാനാകൂ എന്നും കോടതി വ്യക്തമാക്കി.
വഖഫ് ഭൂമി ഡീനോട്ടിഫൈ ചെയ്യുമോ എന്നതാണ് പ്രധാന ആശങ്കയെന്നും സുപ്രീംകോടതി വിവരിച്ചു. വഖഫ് ഭേദഗതിയുമായി ബന്ധപ്പെട്ട് മുര്ഷിദാബാദിലുണ്ടായ സംഘര്ഷത്തിലും കോടതി ആശങ്ക രേഖപ്പെടുത്തി.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
