റിയാദ്: സൗദി അറേബ്യയില് വിനോദസഞ്ചാരികള്ക്കായി മൂല്യവര്ധിത നികുതി (വാറ്റ്) റീഫണ്ട് സംവിധാനം വരുന്നു. 2025-ല് പദ്ധതി ആരംഭിക്കും. രാജ്യത്ത് സന്ദര്ശക സൗഹൃദ അന്തരീക്ഷം സൃഷ്ടിക്കുന്നതിനും കൂടുതല് വിനോദസഞ്ചാരികളെ രാജ്യം പര്യവേക്ഷണം ചെയ്യാന് ആകര്ഷിക്കുന്നതിനും ലക്ഷ്യമിട്ടാണ് പുതിയ സംവിധാനം.
നികുതി പാലിക്കല് കാര്യക്ഷമമാക്കുന്നതിനും യാത്രാനുഭവം വര്ധിപ്പിക്കുന്നതിനുമായി രൂപകല്പന ചെയ്തിട്ടുള്ള സംവിധാനത്തിന്റെ നടത്തിപ്പിന് സകാത്ത്, ടാക്സ്, കസ്റ്റംസ് അതോറിറ്റി മേല്നോട്ടം വഹിക്കും. ടൂറിസം ലക്ഷ്യങ്ങളുടെ ഭാഗമായി 2025 അവസാനത്തോടെ ദേശീയ ടൂറിസം തന്ത്രവുമായി യോജിച്ച് 127 ദശലക്ഷം സന്ദര്ശകരെ ആകര്ഷിക്കാനാണ് സൗദി അറേബ്യ ലക്ഷ്യമിടുന്നത്. ഇത് ആഭ്യന്തരവും രാജ്യാന്തര വിനോദസഞ്ചാരത്തെ പ്രോത്സാഹിപ്പിക്കുന്നുണ്ട്. ടൂറിസം ചെലവ് 2025-ല് 346.6 ബില്യന് റിയാലിലെത്തുമെന്ന് പ്രതീക്ഷിക്കുന്നത്. ഇത് ആഭ്യന്തര സമ്പദ്വ്യവസ്ഥയില് ഗണ്യമായ സംഭാവന നല്കുകയും എണ്ണ ഇതര വരുമാനം വര്ധിപ്പിക്കുകയും സ്വകാര്യമേഖലയുടെ ആവശ്യം വര്ധിപ്പിക്കുകയും ചെയ്യും. 2024 അവസാനത്തോടെ 119.6 ദശലക്ഷം വിനോദസഞ്ചാരികളെ എത്തിക്കാനാണ് സൗദി അറേബ്യ ലക്ഷ്യമിടുന്നത്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക-
https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്-
https://whatsapp.com/channel/0029VagTUieB4hdXiUEnVF1K
