ദോഹ: ഖത്തറില് ഈദ് ആഘോഷങ്ങളുടെ ഭാഗമായി 974 ബീച്ചില് ഈദ് അല് അദ്ഹ ഫാമിലി ഫെസ്റ്റിവല് സംഘടിപ്പിക്കുന്നു. മുനിസിപ്പാലിറ്റി മന്ത്രാലയം, വിസിറ്റ് ഖത്തര്, ഖത്തര് കലണ്ടര് എന്നിവയുമായി സഹകരിച്ചാണ് പരിപാടി. മെയ് 28, 29 തീയതികളില് വൈകുന്നേരം 4 മുതല് രാത്രി 8 വരെ ബീച്ചില് സന്ദര്ശകരെ സ്വാഗതം ചെയ്യുമെന്ന് മന്ത്രാലയം അറിയിച്ചു. കുട്ടികള്ക്കും മുതിര്ന്നവര്ക്കും സൗജന്യമായി വിനോദ പരിപാടികളിലും തത്സമയ പ്രകടനങ്ങളിലും പങ്കെടുക്കാവുന്നതാണ്. പാവ, മാജിക്, ബബിള്, സര്ക്കസ് ഷോകള് എന്നിവ ഓരോന്നും 30 മിനിറ്റ് നീണ്ടുനില്ക്കും, ആംഗ്രി ബേര്ഡ്സ് ഷോ 60 മിനിറ്റ് നീണ്ടുനില്ക്കും.
കുട്ടികള്ക്കായി മുഖം വരയ്ക്കല്, മൈലാഞ്ചി, ബലൂണുകള്, ബീച്ച് ഗെയിമുകള്, ലൈറ്റിംഗ് ഇഫക്റ്റുകള് ഉള്പ്പെടെ അടങ്ങിയിട്ടുണ്ട്. ആറ് വയസ്സിന് താഴെയുള്ള കുട്ടികള്ക്കും വൈകല്യമുള്ളവര്ക്കും ബീച്ചിലേക്കുള്ള പ്രവേശനം സൗജന്യമായിരിക്കും. 14 വയസ്സിന് താഴെയുള്ള കുട്ടികള്ക്കുള്ള ടിക്കറ്റുകള്ക്ക് 15 റിയാലും മുതിര്ന്നവര് 35 റിയാലും നല്കണം. വിഐപി വാഹന പ്രവേശനത്തിന് 150 റിയാലുമാണ് നിരക്ക്.
അതേസമയം, ബീച്ചിലെത്തുന്ന സന്ദര്ശകര്ക്ക് സ്വന്തം ഭക്ഷണവും ലഘുഭക്ഷണങ്ങളും കൊണ്ടുവരാന് അനുവാദമുണ്ടെന്ന് 974 ബീച്ച് മാനേജ്മെന്റ് അറിയിച്ചു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
The Ministry of Municipality, in collaboration with Visit Qatar and Qatar Calendar, announced the 2026 Eid Al Adha Family Festival at 974 Beach as part of the Eid celebrations in Qatar.
