ദോഹ: വാഹനങ്ങള് ഓടിക്കൊണ്ടിരിക്കുമ്പോള് വാഹനങ്ങളുടെ മുകളില് ഇരിക്കുകയോ വിന്ഡോകളില് നിന്ന് പുറത്തേക്ക് ചാരി ഇരിക്കുകയോ ചെയ്യരുതെന്ന് മുന്നറിയിപ്പുമായി ആഭ്യന്തര മന്ത്രാലയത്തിലെ ജനറല് ട്രാഫിക് ഡയറക്ടറേറ്റ്. ഇത്തരം പെരുമാറ്റം ഗതാഗത ലംഘനമാണെന്നും ജീവന് ഗുരുതരമായ അപകടസാധ്യതകള് സൃഷ്ടിക്കുമെന്നും അധികൃതര് വ്യക്തമാക്കി.
വാഹനങ്ങളുടെ മുകളില് ഇരിക്കുന്നതും ജനാലകളില് നിന്ന് പുറത്തേക്ക് ഇറങ്ങി നില്ക്കുന്നതും അവ ചെയ്യുന്ന വ്യക്തികളെ മാത്രമല്ല, മറ്റ് റോഡ് ഉപയോക്താക്കളെയും അപകടത്തിലാക്കുമെന്നും ട്രാഫിക് ഡയറക്ടറേറ്റ് മുന്നറിയിപ്പ് നല്കി. ഇത്തരം ഗതാഗത നിയമലംഘനങ്ങള് നിയമപ്രകാരം ശിക്ഷാര്ഹമാണെന്നും രാജ്യത്തെ ഗതാഗത ചട്ടങ്ങളില് നിഷ്കര്ഷിച്ചിരിക്കുന്ന ഗതാഗത ലംഘനങ്ങളുടെ പരിധിയില് വരുമെന്നും അതോറിറ്റി വ്യക്തമാക്കി.
സുരക്ഷിതമല്ലാത്ത ആഘോഷ പെരുമാറ്റങ്ങള് ഉള്പ്പെടെ റോഡുകളിലെ അശ്രദ്ധമായ പെരുമാറ്റം ഗുരുതരമായ പരിക്കുകള്ക്കും മാരകമായ അപകടങ്ങള്ക്കും ഇടയാക്കുമെന്നും അതോറിറ്റി കൂട്ടിച്ചേര്ത്തു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
