ദോഹ: ഖത്തറിൽ ടാക്സി സർവീസ് നടത്തുന്ന വാഹനങ്ങൾക്ക് കൂടുതൽ നിയന്ത്രണം ഏർപ്പെടുത്തുന്നതായി റിപ്പോർട്ട്. വാഹനങ്ങൾ നിയമപരമായ വ്യവസ്ഥകൾ പാലിക്കുന്നുണ്ടെന്ന് ഉറപ്പാക്കുന്നതിനായി, എല്ലാത്തരം ടാക്സികൾക്കും ബാധകമാകുന്ന കർശനമായ പുതിയ നിയന്ത്രണങ്ങൾ നടപ്പിലാക്കാൻ അധികൃതർ ഒരുങ്ങുന്നതായി ‘അൽ-ഷർഖ്’ റിപ്പോർട്ട് ചെയ്തു. രാജ്യത്തെ പൊതുഗതാഗത സംവിധാനം മെച്ചപ്പെടുത്തുന്നതിനും സുരക്ഷയിലും സുരക്ഷിതത്വത്തിലും ഉയർന്ന നിലവാരം ഉറപ്പാക്കുന്നതിനുമുള്ള തുടർച്ചയായ ശ്രമങ്ങളുടെ ഭാഗമായാണ് നടപടി.
ലിമോസിൻ സർവീസ് നടത്തുന്ന എല്ലാ കമ്പനികളും തങ്ങളുടെ വാഹനങ്ങളിൽ നിരീക്ഷണ ക്യാമറകൾ (surveillance cameras) സ്ഥാപിക്കണമെന്നതാണ് പ്രധാന നിർദ്ദേശം. യാത്രകൾ കൃത്യമായി രേഖപ്പെടുത്തുക, യാത്രക്കാരുടെയും ഡ്രൈവർമാരുടെയും അവകാശങ്ങൾ സംരക്ഷിക്കുക, നിയമലംഘനങ്ങളോ അനുചിതമായ പെരുമാറ്റമോ തടയുക, പരാതികളോ മറ്റോ ഉണ്ടായാൽ കൃത്യമായ സുരക്ഷാ രേഖകൾ ലഭ്യമാക്കുക എന്നിവയാണ് ഇതിലൂടെ ലക്ഷ്യമിടുന്നത്. ടാക്സി സർവീസ് നടത്തുന്ന വാഹനങ്ങൾ അംഗീകൃത സാങ്കേതിക മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാൻ പരിശോധനകൾ കർശനമാക്കുകയും അനധികൃതമായി ടാക്സി സർവീസ് നടത്തുന്നവരെ കണ്ടെത്തുന്നതിനായി ഡ്രൈവർമാരുടെ രേഖകളും പെർമിറ്റുകളും പരിശോധിക്കുകയും ചെയ്യും. തൽക്ഷണവും കാര്യക്ഷമവുമായ നിരീക്ഷണം ഉറപ്പാക്കുന്നതിനായി ക്യാമറകൾ സെൻട്രൽ ഓപ്പറേഷൻസ് റൂമുകളുമായി ബന്ധിപ്പിക്കും.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക –https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
