ദോഹ: മധുരപാനീയങ്ങളുടെ ഓൺലൈൻ പരിശോധന ഇനിമുതൽ ധരീബ പ്ലാറ്റ്‌ഫോം വഴി നടക്കും. നവംബർ 1 മുതൽ മധുരം ചേർത്ത പാനീയങ്ങളുടെ രജിസ്ട്രേഷന് ആവശ്യമായ വിശകലന സർട്ടിഫിക്കറ്റുകൾ (analysis certificates) നേരിട്ട് അറ്റാച്ച് ചെയ്യേണ്ടതില്ലെന്നും, പകരം ‘ധരീബ’ (Dhareeba) പ്ലാറ്റ്‌ഫോം വഴി അവ ഓൺലൈനായി അപ്പ്രൂവ് ചെയ്യുമെന്നും ജനറൽ ടാക്സ് അതോറിറ്റി അറിയിച്ചു. പബ്ലിക് ഹെൽത്ത് മന്ത്രാലയത്തിന്റെ അംഗീകാരവും അതോറിറ്റിയുടെ രജിസ്ട്രേഷനുമുള്ള ലബോറട്ടറികളുമായി നേരിട്ടുള്ള സംവിധാനത്തിലൂടെയാണ് (integration) ഇത് സാധ്യമാക്കുന്നത്.
പുതിയ നടപടിക്രമങ്ങൾ പ്രകാരം, നികുതിദായകർ ‘ധരീബ’ പ്ലാറ്റ്‌ഫോം വഴി ഉൽപ്പന്ന രജിസ്ട്രേഷനായി അപേക്ഷ സമർപ്പിക്കണം. തുടർന്ന് ആവശ്യമായ പരിശോധനകൾ നടത്തി പഞ്ചസാരയുടെയും മധുരം നൽകുന്ന വസ്തുക്കളുടെയും (sweeteners) തരവും അളവും നിർണ്ണയിക്കുന്നതിനായി അംഗീകൃത ലബോറട്ടറികളിലൊന്നിലേക്ക് സാമ്പിൾ എത്തിക്കുകയും വേണം. ലബോറട്ടറി ഫലങ്ങൾ അംഗീകരിച്ചുകഴിഞ്ഞാൽ, പരിശോധനാ വിവരങ്ങളും വിശകലന സർട്ടിഫിക്കറ്റും ‘ധരീബ’ പ്ലാറ്റ്‌ഫോമിലേക്ക് സ്വയം കൈമാറ്റം ചെയ്യപ്പെടും.
അതോറിറ്റിയുടെ ഡിജിറ്റൽ സേവനങ്ങൾ വികസിപ്പിക്കുന്നതിനും ബന്ധപ്പെട്ട സ്ഥാപനങ്ങളുമായുള്ള ഇലക്ട്രോണിക് സംയോജനം മെച്ചപ്പെടുത്തുന്നതിനുമുള്ള ശ്രമങ്ങളുടെ ഭാഗമാണിത്.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് മലയാളി വാർത്താ ഗ്രൂപ്പിൽ ജോയിൻ ചെയ്യുക –https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
