ദോഹ: ഹിമ്യാന് കാര്ഡ് ഉടമകള്ക്ക് ഓഫര് പ്രഖ്യാപിച്ച് ഖത്തര് സെന്ട്രല് ബാങ്ക്. ഖത്തര് എയര്വേയ്സ് പ്രിവിലേജ് ക്ലബ്ബുമായി സഹകരിച്ചാണ് ഓഫര് ലഭ്യമാക്കുന്നത്. ഹിമ്യാന് പ്രീപെയ്ഡ്, ഡെബിറ്റ് കാര്ഡുകള് ഉപയോഗിച്ച് സാധനങ്ങള് വാങ്ങുമ്പോള് ‘ഏവിയോസ്’ പോയിന്റുകള് ലഭിക്കും. ഇതിലൂടെയാണ് ആനുകൂല്യയങ്ങള് ലഭിക്കുക.
പ്രിവിലേജ് ക്ലബ്ബിലെ അംഗങ്ങള്ക്ക് ഏവിയോസ് പോയിന്റുകള് ശേഖരിക്കാന് ഇതിലൂടെ സാധിക്കും. ഹിമ്യാന് കാര്ഡ് ഉടമകള്ക്ക് ഓണ്ലൈന് ഇടപാടുകളിലോ വില്പ്പന കേന്ദ്രങ്ങളിലോ അവരുടെ കാര്ഡുകള് ഉപയോഗിച്ച് ചെലവഴിക്കുന്ന ഓരോ 8 ഖത്തരി റിയാലിനും ഒരു ഏവിയോസ് പോയിന്റ് നേടാന് കഴിയും. പ്രിവിലേജ് ക്ലബ് അംഗത്വ അക്കൗണ്ടിലേക്ക് അവരുടെ കാര്ഡുകള് ചേര്ക്കുന്നതിനുള്ള ഓഫറുകളും ലഭിക്കും, അവിടെ പ്രിവിലേജ് ക്ലബിലുള്ള വ്യക്തി ഔട്ട്ലെറ്റുകളില് ഹിമ്യാന് കാര്ഡുകള് ഉപയോഗിച്ച് നടത്തിയ വാങ്ങലുകള്ക്ക് കൂടുതല് ഏവിയോസ് പോയിന്റുകള് ലഭിക്കും.
അഹ്ലി ബാങ്ക്, അല് റയാന് ബാങ്ക്, കൊമേഴ്സ്യല് ബാങ്ക്, ദോഹ ബാങ്ക്, ദുഖാന് ബാങ്ക്, ഖത്തര് ഇസ്ലാമിക് ബാങ്ക്, ഖത്തര് ഇന്റര്നാഷണല് ഇസ്ലാമിക് ബാങ്ക്, ഖത്തര് നാഷണല് ബാങ്ക് എന്നിവയിലെ നിലവിലുള്ളതും പുതിയതുമായ ‘ഹിമ്യാന്’ കാര്ഡ് ഉടമകള്ക്ക് ഈ ആനുകൂല്യം ലഭ്യമാണ്. പോയിന്റുകള് ഉപയോഗിച്ച് ഖത്തര് എയര്വേസ് വിമാനത്തില് സേവനങ്ങള് ലഭിക്കും. വിമാനത്തിലെ പ്ഗ്രേഡുകള്, അധിക ബാഗേജ് അലവന്സ്, പ്രീമിയം ഹോളിഡേ പാക്കേജുകള് എന്നിവയും അതിലേറെയും പ്രയോജനപ്പെടുത്താനും കഴിയും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
