ഝാന്സി: ഉത്തര്പ്രദേശില് മെഡിക്കല് കോളേജില് വന് തീപിടിത്തം. ഝാന്സിയിലുള്ള മഹാറാണി ലക്ഷ്മിഭായ് ആശുപത്രിയിലാണ് അപകടം. എന്ഐസിയു വാര്ഡില് ഉണ്ടായ തീപിടിത്തത്തില് 10 നവജാത ശിശുക്കള് വെന്തുമരിച്ചു. 16 കുഞ്ഞുങ്ങള്ക്ക് ഗുരുതരമായി പൊള്ളലേറ്റു.
മരണസംഖ്യ ഇനിയും ഉയരുമെന്നാണ് റിപ്പോര്ട്ട്. 54 നവജാത ശിശുക്കളാണ് തീപിടിത്തം ഉണ്ടാകുമ്പോള് വാര്ഡില് ഉണ്ടായിരുന്നത്. ഇന്നലെ രാത്രി പത്തരയോടെയായിരുന്നു തീപിടിത്തമുണ്ടായത്. ഉടന് തന്നെ അവിടെയുണ്ടായിരുന്ന ഡോക്ടര്മാരും മറ്റ് ഹോസ്പിറ്റല് അധികൃതരും കൂടി രക്ഷാപ്രവര്ത്തനം നടത്തി.
37 കുട്ടികളെ സുരക്ഷിതമായി മാറ്റിയിട്ടുണ്ടെന്നും അധികൃതര് പറഞ്ഞു. കനത്ത പുകയ്ക്കിടയില് നിന്നും കുട്ടികളെ രക്ഷികുന്ന ദൃശ്യങ്ങളും പുറത്തുവന്നു. സംഭവത്തില് യുപി മുഖ്യമന്ത്രി യോഗി ആദിത്യനാഥ് അനുശോചനം അറിയിച്ചു. ഷോര്ട്ട് സര്ക്യൂട്ടാണ് അപകടകാരണമെന്നാണ് പ്രാഥമിക നിഗമനം. അപകടം അന്വേഷിച്ച് റിപ്പോര്ട്ട് നല്കാന് സമിതിയെയും നിയോഗിച്ചിട്ടുണ്ട്.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-
https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-
https://whatsapp.com/channel/0029VagTUieB4hdXiUEnVF1K
